Бо ташаббуси МД «Марказҳои машваратӣ ва омодагии пеш аз сафари муҳоҷирони меҳнатӣ»-и Хадамоти муҳоҷират дар шаҳри Хоруғ дарси омӯзишӣ забони англисӣ дар маркази ноҳияи Ишкошим оғоз гардид.

Тавре аз Муассисаи давлатӣ иттиллоъ доданд, айни замон 40 нафар сокинони ноҳия аз забони англисӣ дарс меомӯзанд.

Бояд қайд кард, ки омӯзиши забони англисӣ ройгон ба роҳ монда шудааст.

Омӯзгорони ботаҷриба даъват шудаанд.

Дарс дар давоми як моҳ идома мекунад.

Музди меҳнати омӯзгор аз ҳисоби Хадамоти муҳоҷират пардохт карда мешавад.

Мақсад аз баргузории ин дарсҳо пеш аз ҳама шаҳрвандони мо бояд забони англисиро дар сатҳи муошират омӯзанд, инчунин омода намудани онҳо барои фаъолияти меҳнатии мавсимӣ дар Британияи Кабир мебошад.

Рӯзҳои наздик омӯзиши забони кореягӣ низ оғоз меёбад.

Хоҳишмандон метавонанд ба суроғаи: кӯчаи Азизбек 4, Хадамоти муҳоҷират Муассисаи давлатии “Марказҳои машваратӣ ва омодагии пеш аз сафари муҳоҷирони меҳнатӣ” дар шаҳри Хоруғ муроҷиат намоянд.

Телефонҳо барои тамос: 938829139;

Маркази матбуоти Хадамоти муҳоҷират