Дар синфхонаи МД «Марказҳои машваратӣ ва омодагии пеш аз сафари муҳоҷирони меҳнатӣ»-и Хадамоти муҳоҷират дар шаҳри Душанбе дарси омӯзишӣ забонҳои кореягӣ ва англисӣ оғоз гардид.
Тавре аз Муассисаи давлатӣ иттиллоъ доданд, айни замон 100 нафар шаҳрвандон омодаанд аз забони кореягӣ дарс омӯзанд. Бояд қайд кард, ки омӯзгорон аз Марказҳои омӯзиши забонҳои хориҷӣ дар шаҳри Душанбе даъват шудаанд.
Дарс дар як ҳафта ду маротиба рӯзҳои сешанбе ва панҷшанбе гузаронида мешавад.
Мақсад аз баргузории ин дарсҳо пеш аз ҳама шаҳрвандони мо бояд забони кореягиро дар сатҳи муошират омӯзанд, инчунин омода намудани онҳо барои фаъолияти меҳнатӣ дар Кореяи Ҷанубӣ мебошад.
Айни замон 300 нафар шаҳрвандони ҷумҳурӣ барои омӯзиши забони англисӣ ва кореягӣ даъват карда мешаванд.
Бояд қайд намуд, ки омӯзиши забонҳои кореягӣ ва ангилисӣ дар Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон ба тариқи ройгон бароҳ монда шудааст.
Хадамот тасмим гирифтааст, ки омӯзиши забонҳои мазкурро дар МД “Марказҳои машварати ва омодагии пеш аз сафари муҳоҷирони меҳнатӣ”дар шаҳрҳои Бохтар, Хучанд ва Хоруғ бароҳ монад.
Хоҳишмандон метавонанд ба суроғаи: кӯчаи Айнӣ 121, Хадамоти муҳоҷират Муассисаи давлатии “Марказҳои машваратӣ ва омодагии пеш аз сафари муҳоҷирони меҳнатӣ” муроҷиат намоянд.
Телефонҳо барои тамос: 225-08-33; 225-05-75;
Маркази матбуоти Хадамоти муҳоҷират
