Ҳар сол дар арафаи соли нави мелодӣ мардуми сарбаланди кишварамон бо шукргузорӣ аз Истиқлолияту Ваҳдати миллӣ Паёми Асосгузори сулҳу Ваҳдати миллӣ –Пешвои миллат, Президенти муҳтарам Эмомалӣ Раҳмонро бесаброна интизор мешаванд. Зеро Паёмҳои Пешвои муаззами миллатамон ба ҳайси як санади сарнавиштсоз, дастури зиндагии моро ба сӯи фардои дурахшон ҳидоят менамояд. Паёми навбатӣ, ки нақшаву чорабиниҳоро барои соли аввали татбиқ дарбар мегирад, саршор аз фикру мулоҳиза ва пешниҳоду дастурҳои мушаххас мебошад. Барои расидан ба ҳадафҳои олии кишвар Пешвои миллат рушди омили инсониро хоса таъкид намуданд, ки дар маркази таваҷҷуҳ мебошад. Рушди ҳамаи соҳаҳои иҷтимоӣ, иқтисодӣ ва фарҳангии кишвар, дар ниҳоят зиндагии сазоворро таъмин менамояд.
Аз ҷумла, Паёми имсолаи Сарвари давлатамон баҳри рушди иқтисодию иҷтимоӣ ва фарҳангии кишварамон таккони ҷиддӣ бахшида, солҳои 2025-2030-“Солҳои рушди инноватсия ва технологияҳои рақамӣ” эълон карданд.
Бояд тазаккур дод, ки дар Паёми имсолаи Пешвои миллатамон тамоми соҳаҳои хоҷагии халқи мамлакат аз он ҷумла, рушди иқтисодӣ-иҷтимоии мамлакат ҳамаҷониба, холисона ва дурнамои ин соҳа таҳлили худро ёфтаанд.
Сарвари давлат дар Паёмашон соҳаи иҷтимоиётро ниҳоят мушаххасу борикбинона баррасӣ намуда, ҳадафҳои асосии ҳукуматро нисбати рушди иҷтимоии ҷомеа бо се ҳикмати хирадмандона, яъне дастрасӣ ба таҳсилот, тандурустӣ ва зиндагии шоистаю ғизои солим баён намуданд. Воқеан ҳам, бомаърифату соҳибилм будан, тандурустию солимӣ ва ба зиндагии шоиста таъмин будан, орзуи ҳар як инсон маҳсуб меёбад. Пешвои миллат Эмомалӣ Раҳмон иброз намуданд, ки “Ман аз рӯзҳои аввали роҳбарии худ ба масъалаи илму маориф эътибори ҷиддӣ ва аввалиндараҷа медиҳам”.
Дар Паём ҳамчунин, зикр гардид, ки дар даврони соҳибистиқлолии мамлакат ва асосан дар соҳаи маорифу тандурустӣ бунёду азнавсозӣ гардида, онҳо бо дастгоҳу таҷҳизоти муосири таълимию тиббӣ ва дигар шароити замонавӣ таъмин шуданд. Зикр бояд кард, ки бо дастгирии Пешвои миллат, тамоми таълимгоҳҳои мамлакат бо компютерҳо ва бо дигар таҷҳизоти техникии соҳаи маориф таъмин гардиданд. Зери таъсири бафайзи сиёсати маорифпарваронаи Сарвари кишвар имрӯз аҳли ҷомеа рӯ ба мактаб овардаанд ва дар бунёди мактабҳои нав, дар муҷҷаҳазсозии таълимгоҳҳо ҳиссагузорӣ менамоянд. Ин хеле муҳим аст, зеро аслан рушди соҳаи маориф ба дастгирию ҳамкории аҳли ҷомеа вобаста аст.
Мо кормандони Раёсати Хадамоти муҳоҷират дар шаҳри Душанбе бо дарки масъулият ва хештаншиносӣ Паёми навбатии Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмонро мавриди омӯзиш қарор дода барои тадбиқи дастуру супоришҳои ҳадафмандона ва роҳнамои Президенти Ҷумҳурии Тоқикистон, муҳтарам Эмомалӣ Раҳмон, ки дар Паём омадааст, дар ҳамаи сохторҳои фаъолияти худ сармашқи кор қарор медиҳем.
Бобоназарзода Санавбар,
Сардори шуъбаи муҳоҷирати меҳнатӣ Раёсати Хадамоти муҳоҷират дар шаҳри Душанбе
