Ифротгароии хушунатомез яке аз мушкилоти ҷиддии ҷомеаи муосир мебошад, ки амнияти миллӣ, суботи иҷтимоӣ ва ривоҷи иқтисодиро таҳдид мекунад. Ин ҳодиса бо тарғиби ақидаҳои радикалӣ, ташвиқи нобаробарии иҷтимоӣ ва истифодаи хушунат барои расидан ба мақсадҳои сиёсӣ ё идеологӣ фарқ мекунад. Пешгирии ин мушкилӣ бояд бо тадбирҳои ҳамаҷониба, аз ҷумла таълиму тарбия, ислоҳоти иҷтимоӣ ва ҳамкории байналмилалӣ амалӣ карда шавад.

Дар шароити ҷаҳонишавӣ ва мутобиқшавии Тоҷикистон ба ҷаҳони муосир мо бояд роҳу восита ва шаклҳои татбиқи андешаи миллиро дар соҳаи иқтисодиёт, иҷтимоиёт, фарҳанг, сиёсат ва амният, ки хусусияти миллӣ ва симои маънавию сиёсии моро нигоҳ медорад, пайдо намуда, онро бояд тадриҷан амалӣ намоем. Ҷиҳати татбиқи ҳамаҷонибаи “Стратегияи миллии Ҷумҳурии Тоҷикистон оид ба муқовимат ба экстремизм барои солҳои 2021 – 2025” оид ба ташаккули нерӯмандии мафкураи миллӣ, таҳкимбахшии он дар пешгирии тундгароӣ ва экстремизм, омода намудани мутахассисон дар соҳаи муқовимати иттилоотӣ бо терроризму экстремизм, баланд бардоштани нақши пешгирикунандаи воситаҳои ахбори омма ва таъмини ниҳодии корҳои таҳлилӣ, иттилоотӣ ва ташвиқотӣ дар ин самт чораҳои амалӣ роҳандозӣ гардида истодааст.

Баланд бардоштани сатҳи фарҳанги ҳуқуқии ҷомеа ва ҳифзи манфиатҳои миллӣ, ташаккули андешаи миллӣ ва пурзӯр намудани корҳои мафкуравӣ, кам кардани сатҳи бекорӣ ва беҳтар намудани шароитҳои фароғат барои ҷавонон аз роҳу усулҳои муосири муқовимат ба таҳдиду хатарҳои замони муосир, бахусус ифротгароии хушунатомез дар байни ҷавонон маҳсуб меёбад.

Пешгирии ифротгароии хушунатомез як раванди устувор аст, ки иртиботи зич бо таҳкими иқтисод, таълим ва ҳамкории ҷомеа дорад. Бо роҳи татбиқи чораҳои муосир, ҷомеа метавонад аз таҳдидҳои экстремизм ҳифз шавад ва суботи иҷтимоиро таъмин кунад.

Бобиев Садриддин,

Мудири бахши муҳоҷирати дохилӣ ва экологӣ Раёсати Хадамоти муҳоҷират дар шаҳри Душанбе