Бо ибтикори шуъбаи Хадамоти муҳоҷират дар шаҳри Исфара дар деҳаи Офтобрӯи ҷамоати деҳоти Навгилем якҷоя бо намояндагони мақомоти иҷроияи ҳокимияти давлатӣ ва намояндагони Ҳизби Халқии Демократии Тоҷикистон дар шаҳри Исфара бо оилаҳои муҳоҷирони меҳнатӣ дар самти пешгирии шомилшавии ҷавонон ба ҳизбу ҳаракатҳои ифротӣ вохӯрии судманд баргузор гардид.

Баромадкунандагон иброз доштанд, ки рӯз то рӯз терроризм ва экстремизм ба хатари глобалӣ табдил ёфта, ҷаҳони муосирро ба ташвиш овардааст. Ин зуҳурот на танҳо ба сиёсати дохилии кишварҳои алоҳида, балки дар муносибатҳои давлатҳои ҷудогона роҳандозӣ шуда истодааст, ки Пешвои миллат муҳтарам Эмомалӣ Раҳмон дар ин радиф қайд намуда буданд: “Мубориза бо терроризм ва экстремизм фароҳам овардани фазои боварӣ, эҳтиром ба манфиатҳои ҳамдигар ва муттаҳид шудани ҳамаи кишварҳои дунёро дар пешорӯи ин хатари умумӣ тақозо менамояд. Истифодаи “сиёсати дугона” нисбат ба терроризм ва экстремизм самаранокии кӯшишҳои ҷомеаи ҷаҳониро дар муборизаи муштарак бо ин зуҳурот ҷиддан коҳиш дода, баръакс, мухолифатҳои наверо байни эътилофҳои ҳарбиву сиёсӣ эҷод мекунад ва авзои ҷаҳонро боз ҳам ноором месозад. Ман чандин маротиба аз минбарҳои Созмони Милали Муттаҳид ва дигар ташкилотҳои бонуфузи байналмилалӣ таъкид карда будам, ки террорист ватан, миллат ва дину мазҳаб надорад”.

Қайд кардан ба маврид аст, ки гузаронидани чунин вохӯриҳо дар ҷамоату деҳотҳои шаҳри Исфара мунтазам ба роҳ монда мешавад.

Шуъбаи Хадамоти муҳоҷират дар шаҳри Исфара