Дар таърих ва тақдири ҳар як миллату давлат саҳифаҳои пурарзиш ва сабақомӯзе ҳастанд, ки аз иқдомҳои созандаю хирадмандона маншаъ гирифта, барои наслҳои имрӯзу фардо ҳамчун чароғи ҳидоят хизмат мекунанд.
Бо шарофати ба имзо расидани Созишномаи умумии истиқрори сулҳ ва ризоияти миллӣ мардуми кишвар ҳамдигарро бародарвор ба оғӯш кашиданд. Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон тамоми саъю кӯшиши худро барои амалӣ гардидани ин иқдоми тақдирсоз ва ояндасози миллат равона намуданд.
Сулҳу оромӣ дар кишвари азизамон барои рушди бемайлони соҳаҳои мухталифи ҳаёти кишвар мусоидат намуд.
Баробари ба имзо расидани Созишномаи умумии истиқрори сулҳ ва ризоияти миллӣ заминаи воқеии мустаҳкамкунии сохтори давлатӣ пайдо гардида, тинати сулҳпарвару заковати баланди халқи тоҷик ва Сарвари хирадманди он исбот шуд.
Мо бо ифтихор гуфта метавонем, ки таҷрибаи сулҳи Тоҷикистон дар масъалаи дар фосилаи кӯтоҳи таърихӣ хомӯш кардани ҷанги шаҳрвандӣ дар ягон кишвари дунё, ки ба чунин ҳолат гирифтор аст, дида намешавад.
Ваҳдати миллӣ дар як марҳалаи муҳими таърихӣ ҳамчун омили муттаҳидкунандаи ҷомеа хизмати бузургро анҷом дод.
Аз ин лиҳоз, мо бояд Ваҳдати миллиро ҳамчун ифодаи ҳамдигарфаҳмӣ ва ҳамзистии тамоми шаҳрвандон ба насли ҷавон ва ҷаҳониён муаррифӣ намоем.
Бешак, он як унсури худшиносии миллӣ аст.
Мардуми кишвар баҳри таҳкими пояҳои сулҳу ваҳдат ҷаҳду талош доранд, ки асоси ин ҳама дастоварду муваффақиятҳо аз ҳамдигарфаҳмиву ваҳдати воқеии сокинони кишвари мо гувоҳӣ медиҳад.
Онҳо ба хубӣ дарк ва эҳсос менамоянд, ки агар дар мамлакат сулҳу субот пойдор бошад, тамоми масъалаҳои иқтисодиву иҷтимоӣ роҳи ҳалли худро меёбад.
Кулли мардуми сарбаланди тоҷик ифтихор аз Ватани азиз, бахти баланд ва истиқлолияти комили давлати Тоҷикистон дошта, баҳри гул‐гулшукуфоии кишвар талош, хурсандию шодмонӣ мекунанду шукронаи Ваҳдат ва сулҳи бебозгашти Тоҷикистони азизро дар қаъри дил ҷой медиҳанд ва бо меҳри саршори хеш муҳаббати худро ба Сарвари хирадманд ва Ватани азизи аҷдодии хеш иброз дошта, сари таъзим фуруд меоранд.
Хулоса, мо ифтихор аз он дорем, ки Тоҷикистони азиз дар эъмори давлати демокративу дунявӣ ва ҳуқуқбунёд комёбиҳои назаррас ба даст овардааст.
Бахши робита бо ҷомеаи Хадамоти муҳоҷират
