Бо ибтикори Мақомоти иҷроияи ҳокимияти давлатии ноҳияи Фархор, бо иштироки бевоситаи бахшҳои Хадамоти муҳоҷират, кор бо ҷавонон ва варзиш, кор бо занон ва оила, КИ ҲХДТ дар ноҳия бахшида ба Соли маърифати ҳуқуқӣ вохӯрии судманд бо фаъолон ва сокинони ноҳия баргузор гардид.

Дар вохӯрӣ дар бораи моҳияти Соли маърифи ҳуқуқӣ эълон шудани соли 2024, тарбияи ватандӯстии шаҳрвандон, самтҳои афзалиятноки сиёсати давлатии ҷавонон, пешгирии ҷавонон аз ҳамроҳшавӣ ба ҳизбу ҳаракатҳои террористӣ, экстремистӣ, ҷинояту ҷинояткорӣ сухан гуфта шуд.

Дар ҳамоиш ҳамчунин масъалаҳои пешгирии хурофотпарастӣ, ифротгароӣ, пошхӯрии оилаҳои ҷавон, истифодаи нодурусти телефонҳои мобилӣ, шабакаҳои интернетӣ, дарк накардани авзои сиёсии ҷомеаи ҷаҳон ва хатару таҳдидҳо, омӯзиши илмҳои муосир ва технологияҳои замонавӣ, иштироки хонандагон дар озмунҳои ҷумҳуриявӣ ва касбомӯзӣ баррасӣ шуданд.

Таъкид гардид, ки имрӯз таваҷҷуҳ ва дастгирии Ҳукумати Ҷумҳурии Тоҷикистон дар самти татбиқи босамари сиёсати давлатии ҷавонон муассир буда, ҷавонон бояд ҳушёру зирак бошанд ва ба омӯзиши илму ҳунар диққати ҷиддӣ диҳанд.

Раёсати Хадамоти муҳоҷират дар вилояти Хатлон