Бо ташаббуси Маркази захиравии муҳоҷират (ICMPD), рӯзи 14 октябр соли равон дар маҷлисгоҳи Хадамоти муҳоҷират семинари омӯзишӣ дар мавзуи “Қобилияти табиати инсонӣ” бо иштироки кормандони дастгоҳи марказии Хадамоти муҳоҷират ва МД “Марказҳои машваратӣ ва омодагӣ пеш аз сафари муҳоҷирони меҳнатӣ” баргузор гардид.
Ҳадафи асосии семинар, ин баланд бардоштани сатҳи маърифат ва донишҳои шахсӣ ва касбии кормандон дар самти шинохти хусусиятҳои шахсият ва қобилиятҳои фитрии инсон мебошад. Ин омӯзиш ба таҳкими малакаҳои муошират, фаҳмиши беҳтари равандҳои равонӣ ва кор бо муҳоҷирон равона шудааст.
Бояд тазаккур дод, ки мавзӯи “Қобилияти табиати инсонӣ” аз ҷониби мутахассисони Маркази захиравии муҳоҷират (ICMPD ба таври интерактивӣ, бо истифода аз усулҳои муосири таълимӣ пешниҳод гардид. Иштирокчиён дар ҷараёни семинар фурсати баррасии мисолҳои амалӣ, мубодилаи таҷриба ва гирифтани машваратҳои муфидро пайдо карданд.
Маркази захиравии муҳоҷират (ICMPD), минбаъд низ тасмим дорад, чунин семинару тренингҳоро барои баланд бардоштани сатҳи касбии кормандони Хадамоти муҳоҷират баргузор намоянд.
Маркази матбуоти Хадамоти муҳоҷират
