Санаи 24 июни соли равон бо ташаббуси Маркази захиравии муҳоҷирон (ICMPD) дар Хадамоти муҳоҷират барои кормандони Хадамоти муҳоҷират ва Муассисаи давлатии “Марказҳои машваратӣ ва омодагӣ пеш аз сафари муҳоҷирони меҳнатӣ” дар мавзӯи “Гендер ва муҳоҷират” семинари омӯзишӣ баргузор гардид.

Ҳадаф аз баргузории ин чорабинӣ, ин баланд бардоштани савияи дониши кормандони Хадамот аз равандҳои муҳоҷират. Аз ҷумла, чаро гендер дар муҳоҷират муҳим аст? Муҳоҷират ба мардон ва занон таъсири гуногун мерасонад.Таҷрибаи занон аз рӯи меъёрҳои иҷтимоӣ, нақшҳо ва осебпазирӣ ташаккул меёбад. Ду гурӯҳи асосӣ: Занону духтароне, ки ба муҳоҷират мераванд. Занону духтароне, ки дар хона мондаанд, мебошад.

Қайд карда шуд, ки дар ҷомеаи муосир муҳоҷирати меҳнатӣ як василаи ба даст овардани манфиатҳои молиявӣ, ташаккули вазъи иҷтимоиву зиндагонии мардум ва ҳамзамон густариши иқтидори иқтисоди миллии кишварҳо гардидааст. Кишваре нест, ки аз ин падида дар канор бошад. Аммо тақозои замон ин аст, ки мо сифати касбияту шахсияти муҳоҷирини меҳнатиамонро ба меъёрҳои стандарти байналмилалии муҳоҷират ва талаботи бозори меҳнати байналмилалӣ мутобиқ созем, то ба ин васила имиҷи муҳоҷирини меҳнатӣ дар модели мусбияташ ташаккул ёбад. 

Сипас, модератор ба кор шурӯъ намуда, ба иштирокчиён мавзӯъ ва ҳадафи семинарро муаррифӣ кард. Дар семинари омӯзишӣ хусусиятҳои гендерии муҳоҷират, заноне, ки дар хона мемонанд, камбудиҳои институтсионалӣ ва дигар масъалаҳои мубрами рӯз, мавриди баррасӣ қарор гирифт.

Дар анҷоми семинари омӯзишӣ ба саволҳои иштирокдорон аз ҷониби модератор ҷавобҳои мушҳаххас дода шуд.

Маркази матбуоти Хадамоти муҳоҷират