Санаи 30 декабри соли 2025 бо ибтикори Маркази захиравии муҳоҷирон (МЗМ) дар маҷлисгоҳи Хадамоти муҳоҷират семинари омӯзишӣ дар мавзуи “Тамоюлҳои муҳоҷират ва таҳлили вазъи муҳоҷират дар Тоҷикистон” барои кормандони дастгоҳи марказии Хадамоти муҳоҷират ва МД “Марказҳои машваратӣ ва омодагии пеш аз сафари муҳоҷирони меҳнатӣ” баргузор гардид.
Тавре аз Маркази захиравии муҳоҷирон (МЗМ) иттилоъ доданд, аз оғози сол то имрӯз ба кормандони Хадамоти муҳоҷират дар мавзуъҳои: нақши васоити ахбори омма дар ташаккули равандҳои муҳоҷират, семинар оид ба равандҳои Будапешт ва Прага, таъмини ҳифзи саломатии муҳоҷирони меҳнатӣ, муқовимат ба хариду фурӯши одамон дар Тоҷикистон, муҳоҷират ва рушд, фаъолияти Барномаи “ВОМСА 10” дар Тоҷикистон, тадбирҳо оид ба пешгирии ВНМО/БПНМ дар байни гурӯҳҳои осебпазир ва муҳоҷирони меҳнатӣ, муҳоҷират ва масъалаҳои гендерӣ, пешгирии қаллобӣ дар шабакаҳои иҷтимоӣ дар самти муҳоҷирати меҳнатӣ, роҳҳои таҳсил ва имкониятҳои таълимӣ дар заминаи муҳоҷират барои шаҳрвандони Ҷумҳурии Тоҷикистон, ҷаласа оид ба малакаҳои нарм (soft skills), муҳоҷират ва шуғл, муҳоҷират ва ҳосилнокии соҳаи кишоварзӣ, таъсири муҳоҷирати мардон ба некӯаҳволии занон, семинари омӯзишӣ гузаронида шуд.
Дар анҷоми чорабинӣ оид ба баланд бардоштани иқтидори конститутсионалӣ дар соҳаи муҳоҷират ба кормандони Хадамоти муҳоҷират ва МД “Марказҳои машваратӣ ва омодагии пеш аз сафари муҳоҷирони меҳнатӣ”, ки дар семинарҳои омӯзишӣ фаъолона ширкат доштанд, Сертификати хатми семинарҳои омӯзишӣ супорида шуданд.
Маркази матбуоти Хадамоти муҳоҷират
