Дар ҷаҳони муосир терроризм ва экстремизм ба амнияту оромии ҷомеа таҳдидҳои ҷиддӣ эҷод менамоянд. Ин падидаҳои хатарнок натанҳо суботу ваҳдати миллӣ, балки ҳаёти осоиштаи мардумро низ зери хатар мегузорад. Барои ба ҳадафҳои нопоки худ расидан аксаран ташкилотҳои экстремистӣ ба эътиқоди динии одамон таъсир расонида, шаҳрвандони гуногуни дунёро бовар кунониданӣ мешаванд, ки сиёсати давлату давлатдорӣ бар зидди ақидаҳои динии онҳост.
Ҳар як узви ҷомеа бояд аз оқибатҳои нангини ин зуҳуроти номатлуб бохабар бошад ва бар зидди терроризм ва ифротгароӣ муқовимат намояд. Яке аз зуҳуроте, ки дар ҷаҳони муосир ба проблемаи глобалӣ табдил ёфааст, терроризм ва экстремизми байналмилалӣ мебошад. Воқеан ҳам ин вожаҳо вожаҳои даҳшатнок дар дили мардум тарсу ҳарос, куштору қатл ва дигар нобасомониҳоро пеши назар меорад. Нафаре шомили ин гурӯҳ мешавад, ки аллакай аз муҳити одамгариву инсонгарӣ баромада, танҳо мақсаду ҳадафаш ноором сохтани Ватан мебошад.
Имрӯз барои пешгирии чунин ҳолатҳои номатлуб мо бояд насли наврасро ба роҳи рост ҳидоят карда, аз кирдорҳои ношоям ва аз гурӯҳҳои ифротгароӣ дур созем. Дар ҷаҳони имрӯзаи шиддатнок инсонҳое, ки дар роҳи манфиатҳои худ асосан наврасонро нишон мегирад ва дар шуури онҳо тухми терроризм ва экстремизмро мепошанд.
Хулоса, имрӯз ҳар нафари моро мебояд дар тарбияи насли наврас ва ҷавон бетараф набошем. Ҳамин аст, ки баланд бардоштани мафкураи миллӣ, ҳушёрии сиёсӣ, ғояи давлатдорӣ ва ватандустӣ дар рӯзҳои мо аз ҳама бештар аҳамият пайдо мекунад. Шахси ватандӯст, пеш аз ҳама, ба арзишҳои миллӣ содиқ аст. Ҳар кӣ Тоҷикистонро дӯст медорад, забону фарҳанг ва таърихи онро эҳтиром мекунад, ӯро ҳеҷ гоҳ гуруҳҳои ифротгароӣ фиреб дода наметавонанд.
Пешгирии терроризм танҳо бо роҳи қонунгузорӣ ва сохторҳои қудратӣ имкон надорад. Сипари асосӣ – мафкураи миллӣ, ватандӯстӣ, хештаншиносӣ ва иттиҳоди ҷомеа мебошад. Мубориза бар зидди терроризм ва экстремизм яке аз вазифаҳои афзалиятноки давлат буда, вазифаи худро дар ин соҳа тавассути мақомоти ҳокимияти давлатӣ амалӣ менамояд.
Ҷаборзода Расул,Мудири бахши Хадамоти муҳоҷират дар ноҳияи Шаҳринав
