Бо мақсади сазовор истиқбол гирифтани ҷашни 34-солагии Истиқлоли давлатии Ҷумҳурии Тоҷикистон ва таҳкими муҳити солим, рӯзи 23 августи соли 2025 дар Хадамоти муҳоҷират шанбегии умумӣ баргузор гардид.
Дар рафти шанбегӣ, кормандони дастгоҳи марказии Хадамоти муҳоҷират ва МД “Марказҳои машваратӣ ва омодагӣ пеш аз сафари муҳоҷирони меҳнатӣ” бо ҳисси баланди масъулият иштирок намуда, саҳни биноро бо гулҳои мавсимӣ оро дода, гирду атроф ва даромадгоҳҳоро аз алафҳои худрӯй поккорӣ карданд.
Ин иқдом, ки бо рӯҳияи баланди ватандӯстӣ ва ҳисси масъулиятшиносӣ роҳандозӣ шуд, ҳадафи баланд бардоштани сатҳи тозагӣ, ҳифзи муҳити зист ва ташаккули тарзи ҳаёти солимро дар ҷомеа дунбол мекунад.
Ташкилкунандагон таъкид намуданд, ки баргузории чунин шанбегиҳо на танҳо ба беҳдошти муҳит, балки ба таҳкими ваҳдату дӯстӣ ва рӯҳи ҳамкорӣ миёни кормандон мусоидат менамояд.
Маркази матбуоти Хадамоти муҳоҷират
