Қувваҳои Мусаллаҳи Ҷумҳурии Тоҷикистон бузургтарин дастоварди замони соҳибистиқлолии кишвар ба шумор рафта, омили асосии нигоҳдорӣ ва давлатдории миллӣ маҳсуб меёбад. Артиши миллӣ дар ҳар марҳилаи таърихӣ зина ба зина комилтар ва пуриқтидортар гардида, қобилияти ҳифз ва нигаҳдории кишвар ва оромии ҷамъиятро ба худ касб намуд. Маҳз Артиши миллӣ ба ҷониби қувваҳои даргир хотима гузошта, истиқлоли воқеии Тоҷикистони маҳбубро ҳифз намуд.
Дар таъсисёбии Қувваҳои Мусаллаҳи Ҷумҳурии Точикистон саҳми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ниҳоят бузург аст. Бо дастгириҳои пайвастаи Пешвои муаззами миллат Артиши номукаммал дар муҳлати кӯтоҳтарин ба дарвозаи оҳанини давлат табдил ёфта, нагузошт, ки минбаъд душманон ниятҳои ғаразноку нопоки хешро дар сарзамини аҷдодии миллати куҳанбунёди тоҷик амалӣ намоянд.
Дар сафи Қувваҳои Мусалаҳи Ҷумҳурии Тоҷикистон ҷавонон хизмати Ватан-Модарро иҷро намуда, қувваи асосии пешбарандаи тамоми соҳаҳои ҷамъият мебошанд. Дар Паём Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон иброз дошта буданд, ки “Ҷавонон дар рушди тамоми соҳаҳои иқтисодиву иҷтимоии кишвар саҳми арзишманд гузошта, нақши онҳо аз иштирок дар бунёди иншооти азими мамлакат то хизмати содиқона дар сафи Қувваҳои Мусаллаҳи Ҷумҳурии Тоҷикистон, ҳифзи сарҳади давлатӣ, суботу оромии давлат ва ҳаёти осоиштаи мардуми Тоҷикистон арзандаи таҳсин ва боиси ифтихори ҳар яки мо мебошад.” Аз ин лиҳоз зарур аст, ки дар ҳама соҳаҳо кадрҳои хубу болаёқат бояд дар руҳияи ватандӯстиву меҳанпарастӣ тарбия карда шаванд, то барои рушду нумӯи кишвар ҳиссагузорӣ карда тавонанд.
Ҳамасола ба сафи Қувваҳои Мусаллаҳи Ҷумҳурии Тоҷикистон садҳо ҷовонон даъват мегарданд ва дар қисмҳои ҳарбии минтақаҳои гуногуни мамлакат адои хизмат мекунанд. Дар ин муҳлат ҷавонон ҳомиёни ватанро дар руҳияи ватандӯстиву ватанпарастӣ, мардонагиву шуҷоат, далериву қавииродагӣ тарбия намуда, барои ҳифзу нигаҳдории амнияти кишвар равона месозанд. Афсарону сарбозоне, ки сарҳади кишварро ҳифз мекунанд, бояд зираку ҳушёр ва бомасъулияту қавиирода бошанд, зеро онҳо амнияти марзу буми кишварро таъмин менамоянд
Бо гузашти сол шароит барои хизматчиёни ҳарбӣ аз ҷониби давлату Ҳукумат беҳтар гардида истодааст. Сафарҳои кории Президенти кишвар, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон ба шаҳру ноҳияҳои мамлакат бештар бо боздид аз қисмҳои низомӣ оғоз меёбад, ки худ аз ғамхории Пешвои муаззами миллат, муҳтарам Эмомалӣ Раҳмон нисбати сарбозону афсарон гувоҳӣ медиҳад. Шароит ва будубоши аскарону сарбозон ҳаматарафа дар зери таваҷҷуҳи Асосгузори сулҳу ваҳдати миллӣ – Пешвои маҳбуби тамоми тоҷикони ҷаҳон муҳтарам Эмомалӣ Раҳмон қарор дорад.
Хайридинзода Исфандиёр,
Сардори Раёсати Хадамоти муҳоҷират дар вилояти Хатлон
