24 октябри соли равон Сардори Хадамоти муҳоҷират Нодирзода Иматшо директори генералии ширкати ООО “ТС – Сервис” – и шаҳри Ижевски Федератсияи Россия Новокрещенов С.В., ба ҳузур пазируфт.
Дар ҷараёни мулоқот масъалаи татбиқи Созишнома байни Ҳукумати Ҷумҳурии Тоҷикистон ва Ҳукумати Федератсияи Россия дар бораи ҷалби муташаккили шаҳрвандони Ҷумҳурии Тоҷикистон ба фаъолияти муваққатии меҳнатӣ дар Қаламрави Федератсияи Россия баррасӣ гардид.
Бояд қайд кард, ки аз соли 2019 байни Ҳукумати Ҷумҳурии Тоҷикистон Ва Ҳукумати Федератсияи Россия Созишнома дар бораи ҷалби муташаккили шаҳрвандони Ҷумҳурии Тоҷикистон ба фаъолияти муваққатии меҳнатӣ дар Қаламрави Федератсияи Россия амал мекунад. Дар ин ҳолат “харитаи Роҳ” ба имзо расид, ки дар он чораҳои мушаххас оид ба татбиқи ин Созишнома пешбинӣ шудаанд. Кор тибқи талаботи Алгоритми интихоби захираҳои меҳнатӣ, ки аз ҷониби Вазорати меҳнат ва ҳифзи иҷтимоии Федератсияи Россия таҳия шудааст, гузаронида мешавад.
Ҳамзамон, байни Хадамоти муҳоҷирати Вазорати меҳнат, муҳоҷират ва шуғли аҳолӣ Ҷумҳурии Тоҷикистон ва ООО “ТС Сервис” -и шаҳри Ижевски Федератсияи Россия Созишномаи ҳамкорӣ барои ҷалби муташаккилонаи шаҳрвандони Ҷумҳурии Тоҷикистон барои фаъолияти меҳнатӣ дар қаламрави он, ба имзо расонида шуд.
Созишномаи ҳамкориро Сардори Хадамоти муҳоҷират Нодирзода Иматшо ва директори генералии ширкати ООО “ТС Сервис” –и шаҳри Ижевск Новокрещенов С.В ба имзо расониданд.
Бояд иброз намуд, ки аз ҷониби ширкати мазкур барои шаҳрвандони Ҷумҳурии Тоҷикистон вазифаҳои холии корӣ, аз қабили ронандаи автобус, троллейбус, трамвай, кондуктор, автослесарь ( устои нақлиёт), слесарь электрик (устои барқӣ), упаковщик (бастабанд), разнорабочий ( коргари ҳамакора), дорожный рабочий (коргари роҳ), оператори ЧПУ, токарь, фрезеровщик, сварщик (кафшергар), сезонный рабочий (коргари мавсимӣ) ва строитель (сохтумончӣ) пешниҳод гардиданд. Музди меҳнат вобаста ба тахассус ҷудо карда мешавад, аз 50 то 150 ҳазор рубли русиро ташкил медиҳад.
Ба таваҷҷуҳи шаҳрвандон расонида мешавад, ки чиптаи рафту омад, ҷойи истиқомат, бақайдгирӣ, Патент, пардохти моҳона, либоси махсус, рафтан ба ҷойи кор ва бозгашт бо нақлиёти ширкат, се вақт бо хӯрока аз ҳисоби ширкат пурра таъмин мегарданд.
Пас аз ба имзорасонидани Созишномаи ҳамкорӣ байни Хадамоти муҳоҷират ва ширкати ООО “ТС Сервис” -и шаҳри Ижевски Федератсияи Россия шаҳрвандони ҷумҳурӣ метавонанд барои фаъолияти меҳнатӣ сафарбар шаванд.
Вохӯрӣ дар фазои дӯстона ва ҳусни тафоҳум баргузор гардид.
Маркази матбуоти Хадамоти муҳоҷират
