Бо ташаббуси бахши Хадамоти муҳоҷират дар ноҳияи Кӯҳистони Мастчоҳ дар ҳудуди маркази ноҳия шаҳраки Меҳрон, бо сокинон ва шахсони касбу кори гуногун, муҳоҷирони меҳнатии ба ватан бозгашта ва ихроҷгардида, пайвандони муҳоҷирони меҳнатии дар хориҷи кишвар қарор дошта дар мавзӯъҳои  “Ҷомеаи шаҳрванди омили асосии паст намудани сатҳи коррупсия”, “Муҳоҷирати бехатар”, “Истиқлолият неъмати бебаҳо” маводҳои тарғиботи тақсим намуда ҳамзамон бо онҳо оиди пешгирӣ аз зуроварӣ дар оила ва пешгирӣ аз шомилшавии ҷавонон ба гурӯҳҳои террористиву экстремистӣ суҳбатҳои судманд ва ба маврид  доир гардид.

Инчунин, дар суҳбат бо шаҳрвандон  таъкид гардид, ки  давоми ду даҳсолаи охир афзоиши шумораи созмонҳои террористиву ифротгароӣ, авҷи амалҳои террористиву экстремистӣ бо шаклҳои нав ва бо усулҳои гуногун, зоҳир шудани фаъолияти созмонҳои террористӣ дар минтақаҳои гуногуни Олам, ҳамчун василаи бесуботкунандаи ҷомеа ва сокинони Сайёра ба мушоҳида мерасад.

Ҷои таассуф аст, ки баъзе ҷавонони ноогоҳ дар натиҷаи чунин таъсир ба идеалогияи иртиҷоӣ ворид шуда, худро ҳамчун шахси комил дар ҷомеа идора карда наметавонанд. Идеалогияи носолими ифротӣ ақлу хиради ҷавононро коста намуда, онҳоро аз оила ва аҳди пайвандон дур мегардонад. Аз ин нуқтаи назар аз сокинон ва шунавандагон даъват ба амал оварда шуд, ки шукри тинҷиву субот, оромиву осудагӣ, пешрафт ва шукуфоии Ватани азизамон бошанд.

Ҳамзамон, бо ибтикори бахши Хадамоти муҳоҷират дар ноҳияи  Ҷаббор Расулов дар ҷамоати шаҳраки Меҳробод маҳаллаи Навоӣ бо сокинон вохӯрии судманд баргузор гардид.

Раёсати Хадамоти муҳоҷират дар вилояти Суғд