Бахши Хадамоти муҳоҷират дар ноҳияи Файзобод бо иштироки муовини раиси ноҳия Рашидзода Махфират Мансур ва дигар намояндагони мақомоти ҳокимияти давлатӣ дар Ҷамоати деҳоти Қалъаи дашт бо хонандагону омӯзгорон, фаъолон ва муҳоҷирони меҳнатӣ сӯҳбати самимӣ доир намуданд.
Дар назди ҳозирин Рашидзода Махфират Мансур муовини раиси ноҳия сухан намуда, оид ба муҳтавои Паёми Президенти Ҷумҳурии Тоҷикистон, Асосгузори сулҳу Ваҳдати миллӣ, Пешвои миллат, муҳтарам Эмомалӣ Раҳмон, ки рӯзи 28 декабри соли 2023 баргузор гардида буд, гуфта гузаштанд.
Ҳамзамон ҷиҳати иҷрои қонунҳои Ҷумҳурии Тоҷикистон “Дар бораи масълулияти падару модар дар таълиму тарбияи фарзанд” ва Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” ва баланд бардоштани маърифати ҳуқуқии ҷавонон дар руҳияи ватандӯстию ватанпарастӣ, ҷалб намудани ҷавонон ба сафи қувваҳои мусаллаҳи Ҷумҳури Тоҷикистон, ободонии шоҳроҳ ва ҳудуди ноҳия, шинонидани дарахтони сояафкану ороишӣ ва гулу буттаҳо, баргузории шанбегиҳо, истифодаи самараноки замин, захираи ду солаи маводи хурока, васеъ намудани майдонҳои кишт аз ҳисоби заминҳои бекорхобида, бунёди сардхонаҳо дар ҷамоатҳои шаҳраку деҳоти ноҳия, ташкили корхонаҳои хурди коркарди маҳсулотҳои кишоварзӣ дар замина баҳри дар сатҳи сазовор таҷлил намудани ҷашни истиқлолияти давлатии Ҷумҳурии Тоҷикистон сухан намуданд.
Давлатзода Р – мудири бахши кор бо занон ва оилаи назди мақомот ҷиҳати иҷрои Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон”, зоҳирпарастиву зиёдаравӣ, сарфаю сариштакорӣ, “Кодекси оилаи Ҷумҳурии Тоҷикистон”, “Барномаи давлатии зӯроварӣ дар оила, пошхӯрии оилаҳои ҷавон, никоҳи хешутаборӣ, никоҳи бармаҳал, идомаи таҳсили духтарон, ба касбомӯзи фаро гирифтани занону духтарон, пешгирии ҳодисаҳои номатлуб миёни занону духтарон, пешгирии ҷинояткори, худкӯшию худсӯзии занону духтарон, шомилшавии ҷавонон аз он ҷумла занону духтарон ба ҳизбу ҳаракатҳои ифротгаро, тарғиби либосҳои миллӣ, ободонию созандагӣ дар маҳаллаҳо корҳои фаҳмондадиҳиро қайд намуданд.
Азизова Басонат – мудири бахши Хадамоти муҳоҷират қайд намуданд, ки соҳаи маориф яке аз соҳаҳои калиди ба шумор рафта, тарбия ва аз худ кардани дониши ҳар яки мо аз ин даргоҳи муқаддас сарчашма мегирад. Хонандагони ин муассисаро зарур аст, ки таҳсилро дар муассисаҳо хуб ба роҳ монда, барои аз худ кардани забонҳои русӣ ва англиси таваҷӯҳ дода, аз омӯзгорон дарсҳои иловагӣ гиранд. Бояд қайд намоем, ки донистани забони давлатҳои дигар чи дар дохили ҷумҳури ва дар хориҷи мамлакат зарур мебошад, надонистани забони давлати муҳоҷирпазир боиси саргардонии ҷавонони мо мегардад.
Читавре, ки дар Паёми Президенти Ҷумҳурии Тоҷикистон, Асосгузори сулҳу Ваҳдати миллӣ, Пешвои миллат, муҳтарам Эмомалӣ Раҳмон, ки рӯзи 28 декабри соли 2023 қайд гардид, кору фаъолияти занону бонувони мо дар муҳоҷирати меҳнатӣ бисёр ҳам ташвишовар мебошад. Бинобар ин барои бунёди корхонаҳои нави истеҳсолӣ, ба кор андохтани корхонаҳои аз фаъолият бозмонда ва ташкили ҷойҳои корӣ ва паст намудани сатҳи камбизоатӣ дар ҷумҳурӣ вазифаи ҳар фарди бо нангу ор ва роҳбарони бо масъулияту кордон мебошад.
Ҳамзамон ба кор андохтани агрегати неругоҳи барқи обии “Роғун”-иншооти тақдирсози аср ва ояндаи дурахшони Тоҷикистон, ки ба шарофати он орзӯи чандинсолаи мардуми заҳматқарини тоҷик амалӣ гардид. Сокинони ноҳия ва шахсони бекор метавонанд дар ин неругоҳ кору фаъолияти худро идома диҳанд.
Бахши Хадамоти муҳоҷират дар ноҳияи Файзобод
