Бахши Хадамоти муҳоҷират дар шаҳри Конибодом дар ҳамбастагӣ бо мақомоти иҷроияи ҳокимияти давлатии шаҳр, чиҳати пешгирии омилҳои номатлуби ҷомеа, пошхӯрии оилаҳои ҷавон, зӯроварӣ дар оила, шомилшавии ҷавонон ба ҳизбу ҳаракатҳои ифротӣ, инчунин дар мавриди эҳёи ҳунарҳои мардумӣ, пос доштани фарҳангии миллӣ, омода намудани ҷавондухтартарон ба ҳаёти мустақилона ва омӯзонидани онҳо бо ҳунарҳои мардумӣ, оид ба тағйироту илова ба Қонунҳои Ҷумҳурии Тоҷикистон “Дар бораи масъулият барои таълиму тарбияи кӯдак” ва “Дар бораи танзими ҷашну маросим дар Ҷумҳурии Тоҷикистон” сафарбарии ҷавонон ба сафи Қувваҳои Мусаллаҳи Ҷумҳурии Тоҷикистон, ҷудошавии оилаҳои ҷавонон, ҷиноятсодиркунӣ байни ҷавонон, муқовимат ба савдои одамон, қонунгузории Федератсияи Россия дар самти муҳоҷират, додани маълумот оид ба кортаъминкунии дар хориҷи кишвар, омодагӣ пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди Сертификат оид ба донистани забони русӣ, таъриху тамаддун ва асосҳои қонунгузории Федератсияи Россия, тарзи супоридани имтиҳонҳо, гирифтани корти муҳоҷирӣ ва ба қайди муҳоҷирӣ истодан, гирифтани патент ва дигар масъалаҳои мубрами рӯз , сӯҳбату вохӯрӣ анҷом дода шуд.
Чунин чорабинӣ дар деҳаи Кайрағочи Ҷамоати деҳоти Пӯлотони шаҳр бо иштироки мудири шуъбаи рушди иҷтимоӣ ва робита бо ҷомеа – Баҳодур Маҳмудов, мудири бахши Хадамоти муҳоҷират дар шаҳр Фарзона Толибова, сархатиби шаҳр – Аббосхон Аброрхонов, мудири шуъбаи ташкилии КИ ҲХДТ дар шаҳри Конибодом – Акмал Ализода, сармутахассиси мақомоти васояту парастории мақомоти иҷроияи ҳокимияти давлатии шаҳр – Фарида Шокирова, сармутахассиси бахши дин, танзим, анъана ва ҷашну маросим дар шаҳр – Меҳрубон Равшанзода, сармутахассиси маркази рушди ҳунарҳои мардумӣ ва малакаҳои муосири касбӣ – Солеҳа Ваҳҳобова ва сармутахассиси шуъбаи Агентии меҳнат ва шуғли аҳоли – Тулқин Эгамбердиев иштирок ва суханронӣ намуда, ба саволҳои сокинон ҷавобҳои мушаххас доданд.
Мудири бахши Хадамоти муҳоҷират дар шаҳр бо шаҳрвандон доир ба навовариҳои қонунҳои амалкунандаи Федератсияи Россия суханронӣ намуда, ба саҳми сокинон расонида шуд, ки тибқи Фармони Президенти Федератсияи Россия аз 28 апрели соли 2025, таҳти №272 “Оиди ворид намудани тағйироту илова ба Фармони Президенти Федератсияи Россия аз 30 декабри соли 2024, № 1126”, муҳлати қонунигардонӣ дар Федератсияи Россия то 10 сентябри соли 2025 тамдид карда шуд.
Шаҳрвандони Ҷумҳурии Тоҷикистон, ки дар қаламрави Федератсияи Россия бе ҳуҷҷати расмӣ қарор доранд, имконият доранд, ки то санаи 10 сентябри соли 2025 ҳуҷҷатҳои худро ба расмият дароранд.
Раёсати Хадамоти муҳоҷират дар вилояти Суғд
