Бахши Хадамоти муҳоҷират дар ноҳияи Файзобод дар якҷоягӣ бо Мақомоти иҷроияи ҳокимияти давлатии ноҳия дар Ҷамоатҳои деҳоти Чашмасор ва Ҷамоати “30-солагии Истиқлол” дар муассисаҳои таълимии №8 ва 38 бо падару модарон, омӯзгорон, фаъолон, хонандагон ва муҳоҷирони меҳнатӣ сӯҳбату вохӯриҳо доир намуданд.
Дар рафти чорабинӣ, мудири бахши кор бо занон ва оила Давлатзода Р., сухан намуда, қайд намуд, ки баҳри баланд бардоштани мақому манзалати зан дар ҷомеа, баробарҳуқуқии мардону занон, муаррифи кардани ҳунарҳои занони тоҷик дар арсаи ҷаҳонӣ тамоми имкониятҳоро фароҳам овардааст.
Имрӯзҳо, бонувони тоҷик дар соҳаҳои маориф, тандурӯстӣ ва дигар бахшҳои иҷтимоӣ қисми зиёди кормандонро ташкил медиҳанд ва зарур аст, ки баҳри дар тамоми самтҳои фаъолият, аз ҷумла муассисаҳои бонкӣ, хадамоти алоқа, шуғл ва дигар бахшҳои хизматрасонӣ бештар занону духтарон ба кор ҷалб карда шаванд. Бояд мо занону духтарон барои баланд бардоштани номи зани тоҷик дар тамоми кишварҳо, тарғибу ташвиқ ва тарзи пӯшидани либосҳои миллӣ ҳамеша саҳмгузор бошем.
Дар даврони соҳибистиқлолӣ ташаббусҳои занон доим дастгирӣ ёфта, бо мақсади амалӣ намудани онҳо тадбирҳои ҷиддӣ андешида мешавад. Оиди ба расмият даровардани никоҳи хешу таборӣ, қайд карда гузаштанд.
Мудири бахши Хадамоти муҳоҷират Азизова Б., дар бораи муҳоҷирати меҳнатӣ, қонунҳои амалкунандаи Федератсияи Россия ва ворид гардидани тағйиру иловаҳо ба қонун, инчунин донистани забон ва қонуну қоидаҳои давлати муҳоҷирпазир, тарзи дурусти ҳуҷҷатгузорӣ муҳоҷирон дар доираи иҷроиши қонунҳои Федератсияи Россия ва дигар давлатҳои хориҷа, дар муҳоҷиратӣ меҳнатӣ қарор дошта, суханронӣ намуд.
Ҳамзамон, қайд карданд, ки қонунҳои федералӣ оид ба будубоши шаҳрвандони хориҷӣ дар Федератсияи Россия тағйиру иловаҳо ворид гардида, аз 5-уми феврали соли 2025 амали мегарданд. Ҳангоми бурдани корҳои фаҳмондадиҳӣ ба сокинон пешниҳод карда шуд, ки барои муайян намудани вазъи ҳуқуқии худ ба Хадамоти муҳоҷирати ноҳия муроҷиат намоянд.
Дар хатми чорабинӣ ба саволҳои сершумори иштирокдорон ҷавобҳои мушаххас дода шуд.
Аз ҷониби бахши Хадамоти муҳоҷират дар ҷамоатҳои шаҳраку деҳоти ноҳия корҳои фаҳмондадиҳӣ мунтазам баргузор карда шуда истодааст.
Бахши Хадамоти муҳоҷират дар ноҳияи Файзобод
