Суҳбату вохӯриҳои ҷолиб аз ҷониби гурӯҳи кории Мақомоти иҷроияи ҳокимияти давлатӣ ва мақомоти ҳифзи ҳуқуқи ноҳияи Файзобод оид ба муҳтавои Паёми Асосгзори сулҳу Ваҳдати миллӣ – Пешвои миллат, Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон, бо маром идома дорад, ин навбат чунин ҷамъомад дар Масҷиди ҷомеи деҳаи Лолагии Ҷамоати деҳоти Вашгирд бо сокинони деҳаҳои Лолагӣ, Сино, Баҳористон бо иштироки 314 нафар доир гардид.
Дар ҳайати гурӯҳи корӣ Раиси ноҳия, роҳбарияти прокуратура, шуъбаи Кумитаи давлатии амнияти миллӣ, ШВКД, раиси суди ноҳия намояндагон аз Мақомоти иҷроияи ҳокимияти давлатии ноҳия ва инчунин бахши Хадамоти муҳоҷират иштирок ва баромад намуданд.
Бояд қайд кард, ки баромадкунандагон дар вохӯрӣ оид ба муҳтавои Паёми Асосгзори сулҳу Ваҳдати миллӣ – Пешвои миллат, Президенти Ҷумҳурии Тоҷикистон ба Маҷлиси Олии Ҷмҳурии Тоҷикистон, ки санаи 28 декабри соли 2023 ироа гардида ва эълон гардидани соли 2024 соли маърифати ҳуқуқӣ дар самти тарбияи ватандустии ҷавонон, ҷалби онҳо ба даъвати баҳорӣ, пешгирии шомилшавии шаҳрвандон аз ҳизбу ҳаракатҳои террористию – экстремистӣ, муҳоҷирати меҳнатӣ ва бозгашт аз муҳоҷират, ба хусус дар муҳоҷирати меҳнатӣ кору фаъолияти занону бонувони ноҳия, аз зинаи таҳсил дур мондани духтарон, таъсис додани ҷойҳои нави корӣ аз ҳисоби соҳибкорони ноҳия, бо шуғл фаро гирифтани сокинони ноҳия ва дигар масъалаҳои мубрами рӯз баррасӣ гардида, оиди сазовор таҷлил гирифтани Истиқлоли давлатии Ҷумҳурии Тоҷикистон ва дастовардҳои беҳтарини соли сипари гардида ва натиҷаҳои рушди иҷтимоию иқтисодии ноҳия, сухан ронда шуд.
Тибқи нақша баргузории суҳбату вохӯриҳо дар Ҷамоатҳои шаҳраку деҳоти ноҳия идома дорад.
Бахши Хадамоти муҳоҷират дар ноҳияи Файзобод
