Бо мақсади иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, суҳбату вохӯрии судманд бо сокинони Ҷамоати деҳоти Қалаи хумби ноҳияи Дарвоз доир гардид.

Дар вохӯрӣ масъалаҳои муҳоҷирати бехатар, қонунҳои нави Федератсияи Россия дар самти муҳоҷират, соҳаҳои маориф, тандурустӣ, шуғли аҳолӣ, кишоварзӣ, ҳифзи иҷтимоӣ ва баланд бардоштани сатҳи некуаҳволии шаҳрвандон мавриди баррасӣ қарор дода шуд.

Масъулин оид ба иҷрои дастуру супоришҳои Ҳукумати Ҷумҳурии Тоҷикистон, Мақомоти иҷроияи ҳокимияти давлатии ВМКБ, ҷиҳати иҷрои Қонунҳри Ҷумҳурии Тоҷикистон “Дар бораи ҳифзи ҳуқуқҳои кӯдак”, “Дар бораи масъулият барои таълиму тарбияи кӯдак”, дар самти пешгирии шомилшавии ҷавонон ва наврасон ба ҳар гуна ҳизбу ҳаракатҳои номатлуб, пешгирии оворагардӣ, рафтори ғайриахлоқӣ ва таъмини амнияти иҷтимоии хонандагон, инчунин баланд бардоштани масъулияти муассисаҳои таълимӣ ва падару модарон ва дигар масъалаҳои мубрами рӯз суханронӣ намуданд.

Дар ҷараёни вохӯрӣ мудири бахши Хадамоти муҳоҷират дар ноҳия Дагиев Зиёратшо дар бораи муҳоҷирати бехатар, ҳангоми муҳоҷират вохӯрдан бо шахсони фиребгар, ҳуқуқ ва уҳдадориҳои муҳоҷирон, ҳамкорӣ бо Хадамоти муҳоҷират ва зерсохторҳои он дар шаҳру ноҳияҳои ҷумҳурӣ, гузаштан аз муоинаи тиббӣ пеш аз муҳоҷират ва ташаккули малакаҳои касбӣ пешниҳод гардид.

Инчунин, дар рафти суҳбат доир ба тағйироту иловаҳо ба қонунгузории Федератсияи Россия дар самти муҳоҷирати меҳнатӣ, будубоши шаҳрвандони Ҷумҳурии Тоҷикистон дар давлати номбурда, омодагӣ пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди сертификат оид ба донистани забони русӣ, таъриху тамаддун ва асосҳои қонунгузории ин кишвар (тарзи супоридани имтиҳонҳо), доштани касби мувофиқ ва ҳуҷҷати тасдиқкунандаи он, корти муҳоҷирӣ, дар қайди муҳоҷирӣ истодан, гирифтани патент, тартиби дар қайди ҷойи истиқомат гузоштани шаҳрвандони хориҷа, тарзи бастани шартномаи меҳнатӣ, ҳуқуқ ва уҳдадориҳои корфармо ва коргар фаҳмонида шуд.

Аз ҷумла, қайд карданд, ки дар ҳолати зарур набудан ба қаламрави Федератсияи Россия сафар накунанд, инчунин доир ба истифодаи дурусти шабакаҳои иҷтимоӣ якчанд дастур доданд, ки тариқи телефонҳои мобилӣ низ ба гурӯҳҳое, ки оиди дуруст ё нодуруст буданаш маълумот надоранд шинос нашаванд ва фирефтаи нафарони бадхоҳ ва душманони миллат нагарданд.

Дар фарҷоми вохӯрӣ ба саволҳои иштирокчиён чавобҳои мушаххас дода шуданд.

Маркази матуботи Хадамоти муҳоҷират