Тибқи Нақшаи чорабиниҳои Мақомоти иҷроияи ҳокимияти давлатии ноҳияи Темурмалик гурӯҳи кории мақомот, ки дар он намояндаи бахши Хадамоти муҳоҷират низ шомил аст, дар ҳама деҳаҳои ҳудуди ноҳия баргузории суҳбату мулоқот бо аҳолӣ ба роҳ монда шудааст. Бо ин мақсад дар деҳаи Сайлакони Ҷамоати деҳоти Кушктеппа вохӯрии судманд бо сокинон баргузор гардид.

Масъулин аз дастовардҳои даврони Истиқлоли давлатӣ ёдовар шуда аз ҳозирин даъват ба амал оварда шуд, ки бояд сокинони диёр дар сарҷамъиву мутаҳиди баҳри ободонии ватану диёри худ саҳмгузор гарданд. Дар идомаи вохӯрӣ оид ба пешгирии ҳама гуна зуҳуроти номатлуби ҷомеа, мубориза бо терроризм ва экстремизм, дури чустан аз ҳуруфоту бегонапарастӣ, муҳоҷирати бехатар, иқдоми корҳои ободонию созандагӣ, истифодаи самараноки нерӯи барқ, риояи танзими ҷашну маросим, назорати ҷиддӣ ба таълиму тарбияи фарзанд, омодагӣ ба мавсими зимистон, омӯзондани хонандагон ба забонҳои хориҷӣ, истифодаи дурусти телефони мобилӣ, ва дигар масъалаҳои мубрами рӯз суханронӣ намуданд.

Намояндаи бахши Хадамоти муҳоҷират дар ноҳия бо сокинон дар бораи муҳоҷирати бехатар, ҳангоми муҳоҷират вохӯрдан бо шахсони фиребгар, ҳуқуқ ва ӯҳдадориҳои муҳоҷирон, ҳамкорӣ бо Хадамоти муҳоҷират ва зерсохторҳои он дар шаҳру ноҳияҳои ҷумҳурӣ, гузаштан аз муоинаи тиббӣ пеш аз муҳоҷират ва ташаккули малакаҳои касбӣ пешниҳод гардид.

Инчунин, дар рафти суҳбат доир ба тағйироту иловаҳо ба қонунгузории Федератсияи Россия дар самти муҳоҷирати меҳнатӣ, будубоши шаҳрвандони Ҷумҳурии Тоҷикистон дар давлати номбурда, омодагӣ пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди сертификат оид ба донистани забони русӣ, таъриху тамаддун ва асосҳои қонунгузории ин кишвар (тарзи супоридани имтиҳонҳо), доштани касби мувофиқ ва ҳуҷҷати тасдиқкунандаи он, корти муҳоҷирӣ, дар қайди муҳоҷирӣ истодан, гирифтани патент, тартиби дар қайди ҷойи истиқомат гузоштани шаҳрвандони хориҷа, тарзи бастани шартномаи меҳнатӣ, ҳуқуқ ва уҳдадориҳои корфармо ва коргар фаҳмонида шуд.

Аз ҷумла, қайд кард, ки дар ҳолати зарур набудан ба қаламрави Федератсияи Россия сафар накунанд, инчунин доир ба истифодаи дурусти шабакаҳои иҷтимоӣ якчанд дастур доданд, ки тариқи телефонҳои мобилӣ низ ба гурӯҳҳое, ки оиди дуруст ё нодуруст буданаш маълумот надоранд шинос нашаванд ва фирефтаи нафарони бадхоҳ ва душманони миллат нагарданд.

Барои муайян намудани вазъи ҳуқуқии худ аз сомонаҳои расмии Вазорати меҳнат, муҳоҷират ва шуғли аҳолии Ҷумҳурии Тоҷикистон mehnat.tj, саҳифаи телеграм t.me/mlmert, Хадамоти муҳоҷират migration.tj, Намояндагии Вазорат дар ФР оид ба муҳоҷират prmstj@mail.ru истифода намоянд.

Дар фарҷоми вохӯрӣ ба ҳар як сокини деҳа дастурамали мухтасар оиди муҳоҷирати меҳнатӣ брошюраҳо, варақаҳои иттилоотӣ-маърифатӣ тақсим карда шуд.

Маркази матбуоти Хадамоти муҳоҷират