Оила дар ҳама давру замон муққадас ва рукни ибтидову асосии давлат ҳисобида мешавад. Оила нахустин пойдевори иморати муҳташами давлатдорист ва ҳарчанд, ки пойдевори иморат мустаҳкам бошад, он ҳамон қадар пойдору бошукуҳ мегардад.
Бо ибтикори Мақомоти иҷроияи ҳокимияти давлатии ноҳияи Фархор ба муносибати “Рӯзи байналмилалии оила” чорабинии бошукуҳ, маҳфил таҳти унвони “Оила – асоси ҷомеа” бо иштироки фаъолони ноҳия, оилаҳои барӯманд ,оилаҳои ҷавон ва занон роҳандозӣ гардид.
Ба чорабинӣ як қатор меҳмонон аз сохторҳои Мақомоти иҷроияи ҳокимияти давлатии ноҳия, собиқадорон, намояндагони бахши кор бо занон ва оила, бахши Хадамоти муҳоҷират, САҲШ-и ноҳия ташриф оварданд.
Иштирокчиёни маҳфил рози ҳар яке аз оилаҳоро шунида, посухҳо доданд ва таъкид намуданд, ки тарбия кардан ва ба воя расонидани фарзандон вазифаи падару модар дар назди Ватан, дар назди халқ аст. Ҳар як шаҳрванд, падару модар бо рафтору кирдори шоистаи хеш, дар назди оила ва ҷомеа таъсири бештареро бояд гузорад.
Қайд карда шуд, ки ҳар як оилаи тоҷик ҳамеша дар муросою амн зиндагӣ кунад, чун оилаи солим ҷомеаи солиму бомаърифатро ба воя мерасонад.
Зуроварӣ дар оила метавонад пояҳои оиларо суст намуда, ба таркибҳои оилавӣ таъсири манфӣ расонад. Аз ин ру бисёр муҳим аст, ки оилаамонро бо раванди муҳаббату ҳамдигарфаҳмӣ, эҳтироми тарафайн ба воя расонему, фарзандони оқилу донишмандро барои ояндаҳо боқӣ гузорем.
Дар фарҷом мубодилаи афкор сурат гирифта, иштирокчиён аз ташкили чунин вохуриҳо изҳори сипос намуданд.
Раёсати Хадамоти муҳоҷират дар вилояти Хатлон
