16 декабри соли 2025 дар бинои Хадамоти муҳоҷират бо иштироки роҳбарият, кормандони дастгоҳи марказӣ ва МД “Марказҳои машваратӣ ва омодагӣ пеш аз сафари муҳоҷирони меҳнатӣ” пахши мустақими телевизионии Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро ба Маҷлиси Олии Ҷумҳурии Тоҷикистон тамошо намуданд.
Дар Паёми Роҳбари давлат муҳтарам Эмомалӣ Раҳмон таваҷҷуҳи ҳозиринро аз натиҷаҳои бадастомада ва дурнамои рушди иқтисодию иҷтимоии кишвар, ҳифзу таъмини амнияти миллӣ ва пешбурди самараноки сиёсати дохилию хориҷӣ мавриди баррасӣ ва вазифагузорӣ қарор доданд.
Таъкид гардид, ки Паёми Президенти Ҷумҳурии Тоҷикистон санади ҳарсолаи стратегии давлат мебошад, ки дар он ҷамъбасти натиҷаҳои рушди кишвар дар соли сипаригашта арзёбӣ гардида, самтҳои авлавитҳои рушди мамлакат дар соли оянда тарҳрезӣ карда мешавад.
Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дастури созандагию бунёдкорӣ ба кулли сокинони мамлакат маҳсуб меёбад.
Кормандони Хадамоти муҳоҷират ва зерсохтори он аз Паём рӯҳу равони тоза гирифта, дар партави он баҳри амалӣ намудани нақшаву вазифаҳои дарпешистодаашон барои соли оянда саъю кӯшиш менамоянд.
Ҳамчунин тамошои дастаҷамъонаи Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон дар раёсату шуъбаҳои Хадамоти муҳоҷират дар вилояту, шаҳру ноҳияҳои ҷумҳурӣ низ баргузор карда шуд.
Маркази матбуоти Хадамоти муҳоҷират
