Ҳамарӯза ба Шуъбаи баҳисобгирӣ ва хизматрасонӣ ба муҳоҷирон дар «Фурудгоҳи байналмилалии шаҳри Бохтар» – и Раёсати Хадамоти муҳоҷират дар шаҳри Бохтар садҳо нафар шаҳрвандони ҷумҳурӣ, ки барои кор ба Федератсияи Россия равонаанд, муроҷиат менамоянд.

Мутахассиси пешбари бахши Хадамоти муҳоҷират дар шаҳри Бохтар Зарипов Раҳматулло иброз намуд, ки дар басти кории худ бо даҳҳо нафар шаҳрвандони ҷумҳурӣ, ки азми сафари кишвари Россияро доранд, вохӯриву мулоқотҳо намуда, ба онҳо доир ба будубош, тағйиру иловаҳо дар қонунгузории Федератсияи Россия дар самти муҳоҷирати меҳнатӣ фаҳмонида ба онҳо буклетҳо тақдим намуда, онҳоро дубора водор месозад, ки қонунҳои будубоши ин кишвари қабулкунандаро дидаву дониста вайрон накунанд.

Инчунин, бо шаҳрвандон дар мавзӯи муқовимат бо эктремизм ва терроризм, пешгирӣ ва мубориза бо бемории ВНМО, моҳияти Созишномаҳои байни Ҷумҳуриҳои Тоҷикистон ва Федератсияи Россия ва дигар масъалаҳои ба муҳоҷират вобаста дошта мебошад.

Кормандони шуъба ба шаҳрвандони ҷумҳурӣ, ки барои санҷиши маҷбуран берункардан (депортация), иҷозаи кор ва Патент, оид ба навоварӣ дар қонунгузории муҳоҷирати Федератсияи Россия омадаанд, маслиҳатҳои муфид медиҳанд.

Ҳамарӯза ба бахши Хадамоти мухочират дар шаҳри Бохтар ва шуъбаи хизматрасонӣ ба муҳоҷирон дар «Фурудгоҳи байналмилалии шаҳри Бохтар» зиёда аз 30 нафар шаҳрвандон аз гӯшаю канори мамлакат муроҷиат намуда, ному насаби худро дар руйхати беруншудагони шаҳрвандони кишварамон, ки дар маҳзани иттилоотии Сарраёсати ВКД оид ба масъалаҳои муҳоҷирати ФР ҳар рӯза ворид мешаванд, мавҷуд мебошад, бо тариқи шабакаи интернет-онлайн ба роҳ монда шудааст, пурсон мешаванд.

Бояд қайд кард, шаҳрвандоне, ки қонунҳои будубоши кишвари Рссияро вайрон намуда хориҷ карда шудаанд, ба мӯҳлати аз се то панҷ сол ворид шудан ба ин давлат манъ аст.

Аммо ҳастанд ҳолатҳое, ки шаҳрванди ҷумҳурӣ бе ягон асос аз қаламравӣ ин мамлакат аз тарафи сохторҳои дахлдори он берун карда мешаванд.

Айни замон кормандони бахшу шуъба корҳои иттиллотӣ-маърифатиро дар танзими муҳоҷирати меҳнатӣ дар байни шаҳрвандони ҷумҳурӣ пурзур намуда, бо ҳар муроҷиаткунанда дар алоҳидагӣ сӯҳбатҳо гузаронида маслиҳатҳои ҳуқуқӣ медиҳанд.

Ба ғайр аз ин, ба онҳо маводҳои иттилоотӣ оид ба қонунгузории нави Федератсияи Россия ройгон супорида мешавад.

Мутаассифона, имрӯзҳо қисми зиёди шаҳрвандони Ҷумҳурии Тоҷикистон бе ягон омодагӣ ба Федератсияи Россия равона мегарданд, онҳо ба ҳолатҳои ҳуқуқвайронкунӣ роҳ медиҳанд ва ҳамзамон дар маҳзани маълумоти муваққатан манъшудагон дарҷ мегарданд.

Баъд аз бозгашт онҳо ҳуқуқи ба ин кишвар дубора ворид шуданро надоранд, боиси нигаронист.

Аз ин лиҳоз, бахши Хадамоти муҳоҷират дар шаҳри Бохтар ва шуъбаи хизматрасонӣ ба муҳоҷирон дар «Фурудгоҳи байналмилалии шаҳри Бохтар»-и Раёсати Хадамоти муҳоҷират дар вилояти Хатлон аз тамоми шаҳрвандони ҷумҳурӣ, ки азми сафари кишвари Россияро доранд, хоҳиш карда мешавад, ки аз тағйиру иловаҳо дар қонунгузории муҳоҷиратии ФР огоҳ бошанду, онро ба пуррагӣ риоя намоянд.

Шуъбаи баҳисобгирӣ ва хизматрасонӣ ба муҳоҷирон дар «Фурудгоҳи байналмилалии шаҳри Бохтар» – и Раёсати Хадамоти муҳоҷират дар вилояти Хатлон