Терроризм ва ифротгароӣ ба амнияти бисёр кишварҳо ва шаҳрвандони онҳо ҳарчӣ бештар таҳдид карда, талафоти бузурги сиёсӣ, иқтисодӣ ва маънавӣ мерасонад ва бо сабаби зиёд шудани шумораи қурбониён ба оммаи васеи мардум фишори равонии шадид мерасонад.

Терроризм воситаи ба даст овардани ҳадафҳои сиёсӣ, иҷтимоӣ, иқтисодӣ тавассути ифротгароӣ, истифодаи бошууронаи зӯроварии ғайриқонунӣ аз ҷониби баъзе шахсон, гурӯҳе, ки ба ин васила барои ноил шудан ба ҳадафҳои муайяне, ки баръало ба таври қонунӣ дастнорасанд, мебошад.

Воқеаҳои солҳои охир ҷомеаи ҷаҳониро торафт бештар ба он водор месозад, ки ҳеҷ як кишвар наметавонад дар танҳоӣ бо терроризм мубориза барад, зеро ин падида барои рушди амният ва устувори ҷаҳон, чи дар сатҳи миллӣ, чи дар сатҳи минтақавӣ ва чи дар сатҳи ҷаҳонӣ таҳдиди рӯз то рӯз ошкор ва воқеӣ мегардад. Дар байни мушкилоти шадиди сиёсӣ, иқтисодӣ ва иҷтимоӣ, ки ҷомеаи ҷаҳонӣ ба даст овардааст, терроризм яке аз хатарҳои асосӣ мебошад.

Тавре, ки таҷрибаи ҷаҳонӣ нишон медиҳад, таъмини амнияти иқтисодӣ гарави Истиқлоли кишвар, шарти суботу самаранокии ҷомеа ва ноил шудан ба комёбӣ мебошад. Аз ин рӯ, таъмини амнияти иқтисодӣ яке аз муҳимтарин афзалиятҳои миллӣ ба шумор меравад. Аз сабаби он ки амнияти иқтисодӣ ҷузъи ҷудонашавандаи амнияти миллӣ, ҳамзамон поя ва заминаи моддии он мебошад, барои муқобила бо таҳдиди террористӣ маҷмӯи тадбирҳои иқтисодӣ зарур аст.

Натиҷаҳои таҳлили хусусиятҳои ифротгароӣ ва терроризмдошта ҳамчун таҳдид ба амнияти иқтисодӣ имкон медиҳанд, ки чунин нуктаро қайд намоем – терроризми муосир торафт бештар ҳамчун таҳдиди мустақим ба амнияти миллӣ дар маҷмӯъ ва, бахусус, амнияти иқтисодӣ амал мекунад.

Шарипов Тоҳир,

Сармутахассиси шуъбаи муҳоҷирати меҳнатӣ Раёсати Хадамоти муҳоҷират дар шаҳри Душанбе