Бо ибтикори бахши Хадамоти муҳоҷират дар шаҳри Истаравшан вохӯрии судманд бо муҳоҷирони ба ватан бозгашта ва аъзои оилаи онҳо баргузор гардид.

Дар вохӯрӣ оид ба пешгирӣ ва мубориза ба муқобили падидаҳои номатлуб ва хатарҳои ҷаҳони муосир, пеш аз ҳама, терроризму экстремизм, муҳоҷирати бехатар, мубориза бо бемориҳои сироятӣ, тарғибу ташвиқи тарзи ҳаёти солим, ҷалби ғайриқонунии шаҳрвандони кишвар ба давлатҳои хориҷа, коҳиш додани муҳоҷирати меҳнатии занон, риояи расму оинҳо, ҷалби муҳоҷирони меҳнатие, ки воридшавиашон маънгардидааст, бо ҷойи кор таъмин намудан дар НБО “Роғун” ва дигар масъалаҳои мубрами рӯз суханронӣ карда шуд.

Бояд тазаккур дод, ки дар ин давра, ҷиҳати саривақт баррасӣ намудани муроҷиатҳои шахсони воқеӣ ва ҳуқуқӣ, баҳисобгирии муҳоҷирати шаҳрвандон ба хориҷа, бурдани корҳои иттилоотию фаҳмондадиҳӣ дар байни ҷомеа, корбарӣ бо муҳоҷирони воридшавиашон муваққатан манъгардида, касбомӯзонию забономӯзонии онҳо, ҷоннок намудани фаъолияти корӣ бо муассисаҳои касбӣ-техникӣ, тақвияти ҳамкориҳо бо МД “Агентии  бокортаъминкунӣ дар хориҷа”-и Вазорати меҳнат, муҳоҷират ва шуғли аҳолии Ҷумҳурии Тоҷикистон диққати махсус дода шуда истодааст.

Раёсати Хадамоти муҳоҷират дар вилояти Суғд