Бахши Хадамоти муҳоҷират дар ноҳияи Файзобод дар якҷоягӣ бо  Мақомоти иҷроияи ҳокимияти давлатии ноҳия, бо иштироки  муовини раиси ноҳия Рашидзода Махфират Мансур ва дигар намояндагони мақомоти ҳокимияти давлатӣ дар Ҷамоатҳои шаҳраки Вашгирд ва Қалъаи дашт, дар муассисаҳои таълимии №1, 35, 25 бо хонандагон, падару модарон, омӯзгорон, фаъолон ва муҳоҷирони меҳнатӣ суҳбату вохӯриҳо доир намуд.  

Дар рафти вохӯриҳо мудири бахши Хадамоти муҳоҷират дар ноҳия Басонат Азизова, қайд намуданд, ки имрӯз  яке аз  масъалаҳои  муҳим   ва  ногуворе, ки ҷомеаи ҷаҳонӣ   ва   ҷумҳурии моро  низ   ба ташвиш  овардааст, терроризм  ва ифротгароӣ мебошад.

Терроризм ва ифротгароӣ яке аз   зуҳуроти  номатлуб  дар  замони   имрӯза  ба  шумор   меравад, зеро  он  боиси ба  миён  омадани  оқибатҳои  нохуш, таҳдид  ё  истифодаи  зӯроварӣ, расонидани зарари вазнин, бенизомӣ, тағйири сохти конститутсионӣ дар  мамлакат, ғасби ҳокимият ва аз они худ кардани ваколатҳои он, барангехтани  низои миллӣ, иҷтимоӣ ва динӣ мебошад.

Бояд қайд намоем, ки донистани забони давлатҳои дигар чи дар дохили ҷумҳурӣ ва чи дар хориҷи кишвар зарур мебошад, надонистани забони давлати муҳоҷирпазир боиси саргардонии шаҳрвандони  мо мегардад.

Оиди ҷойҳои кории холӣ барои шаҳрвандони бекор, муҳоҷирони меҳнатие, ки вурудашон ба давлатҳоти дигар манъ аст, дар ширкатҳои сохтмонии Неругоҳи барқии обии Роғун аз тарафи Хадамоти муҳоҷират пешниҳод гардид.

Шахсоне, ки хоҳиши кор кардан дар “НБО Роғун” доранд, бо суроғаҳои пешниҳод намуда муроҷиат намоед.

Дар навбати худ мудири бахши кор бо занон ва оила  Давлатзода Р., сухан намуда, қайд намуд, ки дар даврони соҳибистиқлолӣ ташаббусҳои занон доим дастгирӣ ёфта, бо мақсади амалӣ намудани онҳо тадбирҳои ҷиддӣ андешида мешавад. 

Ҷумҳури Тоҷикистон  баҳри баланд бардоштани мақому манзалати зан дар ҷомеа, баробарҳуқуқии мардону занон, муаррифи кардани ҳунарҳои занони тоҷик дар арсаи ҷаҳонӣ тамоми имкониятҳоро фароҳам овардааст.

Бояд қайд намоем, ки Сарвари давлат дар вохӯрӣ бо фаъолон, намояндагони ҷомеа ва ходимони дини кишвар баргузор гардида қайд намуданд, ки    бегонапарастӣ дар сару либос, яъне пушидани либоси бегона бо номҳои сохтаи сатру ҳиҷоб дигар масъалаи мубрам барои ҷомеаи мо мебошад, бегонашавии одоб  ва расму ойини либоспушӣ бегонашавии фарҳангест,  ки истиқлоли фикрӣ, ҳувияти миллӣ ва фарҳангии миллатро халалдор месозад.

Намояндаи бахши кор бо ҷавонон ва варзиш Ҷомаҳмадова Б., баромад намуда қайд карданд, ки моро зарур аст, ки баҳри пойдору устувор нигоҳ доштани сулҳу суботи Ватани азиз ва фароҳам овардани ҷойҳои нави корӣ, бунёди толору майдонҳои варзишӣ, ташвиқу тарғиби тарзи ҳаёти солим, гирифтани пеши роҳи қонуншиканӣ, иштироки ҷавонон дар озмунҳои ҷумҳуриявӣ ва ширкат варзидан дар стипендияҳои Президенти ва ноҳиявӣ,  сафарбар кардани ҷавонон ба сафи  Қувваҳои Мусалаҳи Ҷумҳурии Тоҷикистон,  суханронӣ намуданд.

Сармутахассиси шуъбаи маорифи ноҳия Алиева Н., баромад намуда оиди қонуни Ҷумҳурии Тоҷикистон “Дар бораи масъулияти падару модар дар таълиму тарбияи кӯдак”, пӯшидани сару либоси ягона, тозагии синфҳо, робитаи мактаб бо волидайн ва дигар масъалаҳои мубрами рӯз сухан намуданд.

Муовини Менеҷери Кумаки аввалияи тиббӣ – санитарӣ Ҳусейнов А., оиди тозагии кӯчаю манзилҳои шаҳрвандон ва дуруст истифода бурдани ғизоҳое, ки аз мағозаҳо харид мекунанд, ва пешгирӣ аз оқибатҳои вазнини инфексия ва зуд оғоз намудан ба табобат, гуфта  гузаштанд.

Ҳамзамон дар баромади худ оиди пайдоиши бемориҳои сироятӣ,    шумораи шахсони ба ин бемориҳо гирифторшуда дар ҷаҳон, марказҳои бақайдгирии беморӣ, сироятшавӣ ва дигар роҳҳои паҳншавии ин бемориҳо шаҳр доданд.

Қайд карда шуд, ки ҳар шахс табиби худ буда, ба қоидаҳои тозагӣ, пурра риоя намуда, барои сиҳатӣ ва солимии ҷомеа ҳиссагуз