Бо ибтикори бахши Хадамоти муҳоҷират дар ноҳияи Кӯҳистони Мастчоҳ дар маркази ноҳия вохӯрӣ бо ҷавонон ва муҳоҷирони меҳнатии ба ватан бозгашта оид ба муҳтавои Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Ҷаноби олӣ, муҳтарам Эмомалӣ Раҳмон, ки санаи 28 декабри соли 2024 ба Маҷлиси олии Ҷумҳурии Тоҷикистон ироа гардид, бори дигар исбот намуд, ки ҷомеаи кишвар бо роҳнамоиҳову ҳидоятҳои Пешвои худ дар расидан ба ҳадафҳои рушди бемайлони худ комёб шудааст, баргузор гардид.
Дар он баромадкунандагон оиди мубориза бар зидди коррупсия, муқовимат ба савдои одамон, масъалаҳои муҳоҷирати бехатар, ҷиҳати пешгирӣ ва шомилшавии ҷавонон ба ҳизбу ҳаракатҳои номатлуб, мубориза алайҳи терроризм ва экстремизм, ки масъалаи доғ ва ташвишовар шудааст, андешаронӣ намуданд.
Ҳамзамон, таъкид гардид, ки сабабҳо ва омили асосии густариши коррупсия дар ҷомеаи мо аз як тараф паст будани маърифати ҳуқуқии шаҳрвандон аз тарафти дигар омода намудани мардум ба иқтисодиёти бозоргонӣ мебошад. Албатта, паҳн гаштани коррупсия дар тамоми соҳаҳои ҳаёти ҷомеа Ҳукумати кишварро ба ташвиш оварда буд.
Аз ин рӯ, бо ибтикори Пешвои миллат муҳтарам Эмомалӣ Раҳмон як қатор ислоҳотҳои ҳуқуқӣ дар самти танзими сохтори қонунҳо рӯйи кор омад ва барои мубориза бо коррупсия чораҳои зарурӣ андешида шуд.
Раёсати Хадамоти муҳоҷират дар вилояти Суғд
