Дар толори Ҷамоати деҳоти Ваҳдати ноҳияи Деваштич бо муҳоҷирони экологие, ки дар минтақаҳои хавфнок ҷойгиранд, вохӯрӣ бо иштироки мутахассиси пешбари бахши муҳоҷирати дохилӣ ва экологии Раёсати Хадамоти муҳоҷират дар вилояти Суғд, мутахассиси пешбари бахши Хадамоти муҳоҷират дар ноҳияи Деваштич ва раиси маҳаллаи деҳаи Метк оид ба масъалаи кӯчонидани муҳоҷирони экологӣ ба минтақаи бехавф гузаронида шуд.
Мутахассиси пешбари Раёсати Хадамоти муҳоҷират баҳри таъмини иҷрои Қарори Ҳукумати Ҷумҳурии Тоҷикистон аз 28.11.2020, №648 «Дар бораи Нақшаи миёнамӯҳлати муташаккилона кӯчонидани муҳоҷирони экологӣ дар Ҷумҳурии Тоҷикистон барои солҳои 2021-2023» тибқи нақшаи тасдиқгардидаи солҳои 2021-2023 ба мавзеъҳои бехавф кӯчонидани 24 оила аз деҳаи Метки Ҷамоати деҳоти Ваҳдат пешбинӣ карда шуда буд, сухан ронда оиди оғози корҳои сохтмонӣ дар минтақаҳои бехавф огоҳонида карда шуданд, ки минтақаи ҷойгиршавии муҳоҷирони экологӣ дар мавзеъҳои хавфноки экологӣ буда, эҳтимоли бавуҷудоии офатҳои табии зиёд мебошад.
Дар рафти вохӯри вобаста ба масъалаҳое, ки садди роҳи муҳоҷирони экологӣ дар мавзеъҳои бехавфе, ки бо қитъаҳои замини наздиҳавлигӣ таъмин карда шудаанд, аз ҷониби мутахассиси пешбари бахш якчанд тавсияҳо оиди ҳалли муаммоҳои мазкур дода шуд.
Ҳамчунин ҳангоми вохӯрӣ аз натиҷаи корҳои сохтмонии баанҷомрасидаи муҳоҷирони экологии ноҳия аз ҷониби масъулини бахши муҳоҷирати дохилӣ ва экологии Раёсат дидан намуданд.
Раёсати Хадамоти муҳоҷират дар вилояти Суғд
