11 сентбяр Сардори Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон Нодирзода Иматшо роҳбари навтаъйини Намояндагии Созмони байналмилалии муҳоҷират (СБМ) дар Тоҷикистон Виктор Лутенкоро ба ҳузур пазируфт.

Тарафҳо доир ба масъалаҳои муҳоҷирони меҳнатӣ мубодилаи афкор намуданд.

Зимни вохури онҳо оид ба масъалаи ҷалби шаҳрвандони ҷумҳурӣ ба кишварҳои хориҷа, аз ҷумла давлатҳои Аврупо, Британияи Кабир, Кореяи Ҷанубӣ ва дигар давлатҳо, инчунин фаъолияти шуъбаву бахшҳои Хадамот дар фурудгоҳҳо, истгоҳи роҳи оҳан ва нақлиёти мусофирбар, гузаронидани вохӯрию чорабиниҳои иттилоотӣ – маърифатӣ байни муҳоҷирони меҳнатӣ ба миён гузоштанд.

Зимни мулоқот Нодирзода Иматшо оид ба фаъолияти Хадамоти муҳоҷират, аз ҷумла раванди муҳоҷирати меҳнатӣ, вазъият ва дурнамои муҳоҷират, касбомўзии муҳоҷирон, донистани забонҳои хориҷи, ичунин риояи қоидаҳои будубоши кишвари қабулкунанда андешарони намуд.

Ў қайд намуд, ки имрўз муҳоҷирати меҳнатӣ равандест, ки аксари кишварҳои олам бо ин падида рў ба рў мебошанд.

Муҳоҷирати меҳнатӣ паҳлӯҳои гуногун дошта, ниёз ба омўзиш ва таҳқиқоти бештар дорад.

Дар рафти мулоқот ҳолати кунунӣ ва дурнамои рушди ҳамкорӣ миёни Хадамоти муҳоҷират ва СБМ мавриди баррасӣ қарор гирифтанд.

Ҷонибҳо инчунин лоиҳаҳои дар Тоҷикистон татбиқшавандаи СБМ-ро матраҳ намуданд.

Зимнан, аз ҷониби Виктор Лутенко роҷеъ ба фаъолияти пурсамари Созмон, ки дар соли 1951 таъсис ёфта, ташкилоти пешбари байниҳукуматӣ дар соҳаи муҳоҷират мебошад.

Ба ҳайси созмони пешсафи байналмилали дар масоили муҳоҷират, ҷилавгирӣ аз истисмор ва поймол шудани ҳуқуқи муҳоҷирон, дастгирии аъзои оилаи онҳо, корҳои зиёдеро анҷом додааст, суханронӣ намуд.

Дар фарҷоми мулоқот ҷонибҳо омодагии худро баҳри тақвият ва густариши ҳамкориҳои минбаъда баён доштанд.

Вохӯрӣ дар фазои озод ва якдигарфаҳмӣ баргузор шуд.

Ҳамзамон роҳбари СБМ аз фаъолияти МД “Марказҳои машваратӣ ва омодагии пеш аз сафари муҳоҷирони меҳнатӣ” дар шаҳри Душанбе дидан намуд.

Маркази матбуоти Хадамоти муҳоҷират