Бахши Хадамоти муҳоҷират дар ноҳияи Кӯҳистони Мастчоҳ дар деҳаи Худгифи Боло Ҷамоати деҳоти Лангар бо сокинон ва муҳоҷирони меҳнатии ба хориҷи кишвар сафаркунанда вобаста ба муҳтавои Паёми Призеденти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон доир ба самтҳои сиёсати дохилӣ ва хориҷии кишвар дар соли 2023-2024, Қонуни Ҷумҳурии Тоҷикистон «Дар бораи масъулият барои таълиму тарбияи кӯдак», баланд бардоштани ҳисси ватандӯстии ҷавонон ва ҷалби онҳо ба хизмати ҳарбӣ вохӯри доир намуд.
Дар рафти вохӯрӣ ба ҳозирин дар бораи риояи фарҳанги либоспушӣ ва истифодаи мақсадноки шабакаҳои иҷтимоӣ, пешгирии ҷинояту ҷинояткорӣ ва шомилшавии ҷавонон ба ҳизбу ҳаракатҳои ифротӣ таваҷҷӯҳ зоҳир намуда, тарбияи фарзандонро дар баробари ниҳодҳои масъул вазифаи муқаддаси волидайн маънидод намуд.
Ҳамзамон гуфта шуд, ки эълон гардидани соли 2024 ҳамчун «Соли маърифати ҳуқуқӣ» ҳар як узви фаъоли ҷомеаи муосирро вазифадор месозад, ки дар боло бурдани маърифати ҳуқуқии аҳолӣ, сар карда аз фарзандони хурдсол то шаҳрвандони солор, саҳм гузорем, риояи ҳатмии қонун, яъне волоияти қонун, шарти муҳимтарини эъмори ҷомеаи навин ба шумор меравад.
Инчунин, қайд карда шуд, ки хизмати Ватан-модар яке аз вазифаҳои муқаддас ва асосии ҳар як ҷавон ва сокини мамлакат ба ҳисоб рафта, ҷавононро зарур аст, ки баҳри ҳимояи марзу буми кишвар ва посдории сулҳу субот дар мамлакат ҳамеша омода бошанд.
Чунки ояндаи неки ин сарзамин аз ҷавонони донишманду шуҷоъ вобастагии махсус дорад.
Ҳамин аст, ки Ҳукумати Ҷумҳурии Тоҷикистон барои таълиму тарбия ва хизмати ҷавонон дар сафи қувваҳои мусаллаҳ тамоми шароити созгорро муҳайё намудааст.
Раёсати Хадамоти муҳоҷират дар вилояти Суғд
