Бахши Хадамоти муҳоҷират дар шаҳри Конибодом бо гурӯҳи кории иборат аз намояндагони шуъбаи рушди иҷтимоӣ ва робита бо ҷомеаи МИҲД, кор бо занон ва оила, маориф ва КАТС вохӯрии судманд дар байни аҳоли бо сокинони Ҷамоати деҳотӣ Пӯлотон, кӯчаҳои Зарбед, Бӯстон, А.Шарипов, Қуруқ ва қисман Айни дар толори муассисаи таълимии №24 баргузор намуданд.
Дар вохӯрии мазкур вобаста ба пешгирии ҳодисаҳои номатлуб аз қабили шомилшавии ҷавонон ба ҳизбу ҳаракатҳои террористӣ экстремистӣ, ҷинояткорӣ аз ҷониби наврасону ҷавонон, Қонунгузории Федератсияи Россия дар самти муҳоҷират, омодагии пеш аз сафар, аз байн бурдани ҷудошавии оилаҳои ҷавон, аз байн бурдани таассубу хурофот ва бегонапарастӣ, иҷроиши Қонунҳои миллии Ҷумҳурии Тоҷикистон ва дигар масъалаҳои мубрами рӯз мавриди қарор дода шуданд.
Мудири шуъбаи рушди иҷтимоӣ ва робита бо ҷомеаи МИҲД-и шаҳр Валиева Ш., мулоқотро ифтитоҳ намуда, ҳадафи баргузории ин вохӯриро шарҳ дод.
Мудири бахши кор бо занон ва оилаи МИҲД-и шаҳр Муҳиддинова М., оид ба масъалаи ҳурофотпарастӣ, оилаву оиладорӣ ва ҷудошавии оилаҳои ҷавон суханронӣ намуд.
Сипас, мудири бахши Хадамоти муҳоҷират Толибова Ф., оид ба қонунгузориҳои нави Федератсияи Россия, омодагии пеш аз сафар, муҳоҷирати бехатар суханронӣ намуда қайд намуд, ки асоси муҳоҷирони ихроҷ гардида бе қайди истиқомат ва ё бе ҳуҷҷат фаъолият бурдан ё надонистани Қонунигузории ФР мебошад бо таври содда фаҳмонида дод.
Дар идома муовини директори КАТС Абдусатторова М., бобати бемориҳои сирояти ВНМО/БПНМ, сил, оташак, бемории руҳӣ, гепатит ва роҳи пешгирии онҳо суханронӣ намуд.
Баъдан сармутахассиси шуъбаи маориф Олимова М., вобаста ба масъалаҳои болозикр андешаронӣ намуда, сокинонро хушдор сохтанд, ки тарбия аз оила оғоз меёбад. Вазифаи волидайн пеш аз ҳама тарбияи насли ватандӯсту худогоҳ ва содиқ ба халқу Ватани хеш мебошад.
Ҳамзамон чунин чорабиниҳои судманд дар ноҳияи Спитамен бо сокинони деҳаи Муряки Ҷамоати деҳоти Куруш баргузор гардид. Инчунин, ҷиҳати пешгирии амалҳои наматлуб дар байни ҷавонон, алалхусус муҳоҷирони меҳнатӣ дар қасри Фарҳанги ноҳияи Зафаробод бахши Хадамоти муҳоҷират дар якҷоягӣ бо намояндагони “Маркази тарзи ҳаёти солим” семинари омӯзишӣ гузаронида шуд.
Раёсати Хадамоти муҳоҷират дар вилояти Суғд
