1 августи соли равон дар толори маҷлисгоҳӣ Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон вохӯрии машваратӣ бо роҳбарон ва намояндагони субъектҳои хоҷагидор баргузор гардид.
Дар вохурии машваратӣ Сардори Хадамоти муҳоҷират Нодирзода И., сардори Раёсати муҳоҷирати меҳнатӣ Хадамот Ҷуразода Б.С., кормандон ва роҳбарону намояндагони субъектҳои хоҷагидор иштирок намуданд.
Мақсад аз баргузории ин вохӯрӣ барои ташкил ва муташаккилона ба давлатҳои хориҷа интиқол додани қувваи корӣ, гузаронидани корҳои фаҳмондадиҳӣ оиди риояи қонунҳои давлатҳои қабулкунанда, пешгирӣ аз шомил нагардидан ба ҳизбу ҳаракатҳои ғайриқонунӣ, иҷроиши дастуру супоришҳои Ҳукумати Ҷумҳурии Тоҷикистон дар самти муҳоҷират ва дигар паҳлуҳоро дар бар гирифт.
Дар рафти вохӯрӣ таъкид карда шуд, ки субъектҳои хоҷагидор барои пешрафти фаъолияташон дар самти интиқоли қувваи корӣ ба хориҷи кишвар аз эълонномаҳо барои ҷойи кории холӣ дар давлатҳои хориҷа дуруст истифода баранд, ки аз манфиат холӣ нест.
Дар вохӯрии мазкур роҳбарияти Хадамоти муҳоҷират ва намояндагони субъектҳои хоҷагидор оиди мушкилотҳо дар самти интиқоли қувваи корӣ ба хориҷа ва роҳи ҳали онҳо баромад намуданд.
Чунин вохӯриҳои судманд минбаъд низ идома дода мешавад.
Марази матбуоти Хадамоти муҳоҷират
