Бо ибтикори шуъбаи Хадамоти муҳоҷират дар шаҳри Исфара  бо иштироки гурӯҳи корӣ дар ҳайати муовини раиси шаҳр Зиёваддинзода С., раиси КИ ҲХДТ Ҷӯраева Г., мудири шуъбаи рушди иҷтимоӣ ва робита бо ҷомеа Юлдошева Ш.,  дар Ҷамоати деҳоти Кӯлканд бо фаъолону сокинон, имомхатибон ва оилаҳои муҳоҷирони меҳнатӣ бо иштироки зиёда аз 90 нафар шаҳрвандон вохӯрӣ доир намуд.  

Мулоқотро муовини раиси шаҳри Исфара Зиёваддинзода Суруриддин ҳусни ифтитоҳ бахшид. Дар вохӯрӣ ҳар яке дар навбати худ оид ба  мавзуъҳои гуногун суханронӣ намуданд.

Дар навбати худ сардори шуъбаи Хадамоти муҳоҷират Ахмедов М., оиди қонуну қоидаҳои нави амалкунандаи Федератсияи Россияро ба сокинон фаҳмонида, аз ҷумла қайд кард, ки Фармони Президенти Федератсияи Россия аз 30 декабри соли 2024, № 1126 барои қонунигардонии шаҳрвандони хориҷӣ дар қаламрави кишвари иқомат шароит фароҳам оварда, муҳоҷирони меҳнатие, ки ғайриқонунӣ дар кишвари иқомат будубош менамоянд, метавонанд фаъолияти худро расмӣ намоянд.

Ҳамзамон, зимни вохӯрӣ вобаста ба тарбияи ватандӯстӣ ва ифтихории миллии ҷавонон, гиромӣ доштани арзишҳои милливу фарҳангӣ, арҷгузорӣ ба дастовардҳои даврони соҳибистиқлолии Тоҷикистон суханронӣ намуда, даъват ба амал оварда шуд, ки аз шомилшавӣ ба гурӯҳҳои экстремистиву террористӣ худдорӣ намоянд.

Раёсати Хадамоти муҳоҷират дар вилояти Суғд