Дар Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд вохӯрии кормандони Раёсат бо намояндаи Прокуратураи вилояти Суғд баргузор гардид.

Дар чорабинии мазкур Сардори шӯъбаи муқовимат ба экстремизм ва терроризми Прокуратураи вилоят Шарифзода С., роҳбарият ва кормандони дастгоҳи марказии Раёсати Хадамоти муҳоҷират ва шӯъбаю бахшҳои Хадамоти муҳоҷират дар шаҳру ноҳияҳо иштирок намуданд.

Зимни баромад Шарифзода С., вобаста ба масъалаи Қонуни Ҷумҳурии Тоҷикистон аз 1 феврали соли 1996, №230 «Дар бораи вазъи ҳуқуқии шаҳрвандони хориҷӣ ва шахсони бешаҳрванд дар Ҷумҳурии Тоҷикистон», Қонуни Ҷумҳурии Тоҷикистон аз 23 июли соли 2016, №1339 « Дар бораи муроҷиатҳои шахсони воқеӣ ва ҳуқуқӣ», Қонуни Ҷумҳурии Тоҷикистон аз 23 декабри соли 2021, №1808 «Дар бораи муқовимат ба терроризм», Фармони Президенти Ҷумҳурии Тоҷикистон аз 1 июни соли 2021, №187 «Дар бораи Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025», номгӯи ташкилоту ҳаракатҳое, ки бинобар амал баровардани фаъолияти террористӣ-эктремистӣ бо қарорҳои Суди Олии Ҷумҳурии Тоҷикистон дар қаламрави Тоҷикистон фаъолияти онҳо манъ карда шудааст, инчунин Истиқлолияти давлатии Ҷумҳурии Тоҷикистон ва шукргузори аз сулҳу субот дар Ватани азизамон, суханронӣ намуд.

Раёсати Хадамоти муҳоҷират дар вилояти Суғд