Бо ташаббуси бахши Хадамоти муҳоҷират дар ноҳияи Деваштич дар деҳаҳои Зарнисор ва Хуштоирии Ҷамоатҳои деҳоти Газантарак ва Яхтан вохӯрии навбатӣ бо сокинону фаъолони деҳа, аз ҷумла муҳоҷирони меҳнатӣ баргузор гардид.

Дар он муовини Раиси ноҳия Нуруллозода Г., намояндаи Кумитаи давлатии амнияти миллӣ дар ноҳия Давлатзода Ҷ., сардори шуъбаи Агентии меҳнат ва шуғли аҳолӣ Расулов Ф., мудири бахши ҲХДТ Мамурзода Р., мудири бахши дин ва танзим ва ҷашну маросим Абдуллозода Б., ва мутахассиси пешбари бахши Хадамоти муҳоҷират дар ноҳия Одилов К., иштирок намуда, вобаста ба масъалаҳои даъвати ҷавонон ба сафи қувваҳои мусаллаҳ, тарғибу ташвиқи сиёсати имрӯза, пешгирии ҳодисаҳои номатлуб байни занону ҷавонон, пешгирии шомилшавии ҷавонон ба ҳизбу ҳаракатҳои ифротӣ, терроризму экстремизм, муҳоҷирати бехатар ва рафти амалишавии қонунҳои Ҷумҳурии Тоҷикистон “Дар бораи муҳоҷират”, “Дар бораи танзими анъана ва ҷашну маросим дар Ҷумҳурии Тоҷикистон” ва “Дар бораи масъулияти падару модар дар таълиму тарбияи фарзанд” суханронӣ намуданд.

Дар вохӯрии мазкур мутахассиси Бахш оид ба шомилшавии ҷавонон ба ҳизбу ҳаракатҳои тундрав, ки мардумро, хусусан муҳоҷирони меҳнатиро фирефтаи худ мекунанд ва боз он муаммоҳое, ки дар муҳоҷирати меҳнати дучори онҳо мегардад, сухан ронда, муҳоҷирон ва аъзои оилаи онҳоро бори дигар огоҳонид, ки зиракии сиёсиро аз даст надиҳанд.

Инчунин, доир ба фаъолияти меҳнатии шаҳрвандони Ҷумҳурии Тоҷикистон, ки ба қаламрави Федератсияи Россия ворид мегарданд, оиди тағйиротҳои воридкардашуда ва қонунҳои амалкунандае, ки дар ин кишвар ҷорӣ карда шудааст, шиносоӣ намуда, тартиби будубош ва фаъолияти меҳнатиро дуруст ба роҳ монанд, суҳбат гузаронида шуд.

Ҳамзамон ба шаҳрвандон барои муҳоҷирати бехатар ба давлатҳои хориҷа, якчанд дастуру супоришҳо оид барасмиятдарории ҳуҷҷатҳо, гирифтани патент ва иҷозатномаи кор дар хориҷа дода шуд.

Бахши Хадамоти муҳоҷират дар нохияи Деваштич дар ҳамкорӣ бо Вазорати корҳои дохилии Ҷумҳурии Тоҷикистон, Кумитаи давлатии амнияти миллӣ дар ноҳия ва Мақомоти иҷроияи ҳокимияти давлатии ноҳия ҳамкории муштарак дошта, баҳри ҳимояи ҳуқуқҳои муҳоҷирони меҳнатӣ ва пешгирии шомилшавии онҳо аз ҷониби гурӯҳҳои экстремистӣ корҳои иттилоотию фаҳмондадиҳиро ҷоннок намуда истодааст.

Чунин як вохӯрии судманд бо ибтикори бахши Хадамоти муҳоҷират дар ноҳияи Шаҳристон бо аҳолӣ, аз ҷумла муҳоҷирони меҳнати ва аъзои оилаи онҳо, бо иштиркои муовини Раиси ноҳия, корманди КДАМ дар ноҳия, намояндагони Раёсати Агентии меҳнат ва шуғли аҳолӣ, Ҷамоати деҳоти Бунҷикат, раисони маҳалла ва фаъолони деҳаи Себзор баргузор гардид.

Бояд тазаккур дод, ки дар ин самт ҳамкориҳо бо мақомоти ҳифзи ҳуқуқу тартибот, воситаҳои ахбори омма, ташкилотҳои ҷамъиятӣ, ҷамоатҳои шахраку деҳот, кумитаҳои маҳалла ва фаъолони ҷомеаи вилоят ба таври густурда ба роҳ монда шудааст.

Бахши Хадамоти муҳоҷират дар ноҳияи Деваштич