Кормандони бахши робита бо ҷомеа якҷоя бо МД “Марказҳои машваратӣ ва омодагии пеш аз сафари муҳоҷирони меҳнатӣ”- и Хадамоти муҳоҷират вохӯрии навбатиро бо шаҳрвандони ҷумҳурӣ, ки тавассути парвоз ба кишварҳори хориҷа сафари меҳнатӣ доранд, дар “Фурудгоҳи байналмилалии шаҳри Душанбе” баргузор намуданд.
Вохӯрии навбатӣ, 27 феврал баргузор гардид, ки зимни он оид ба пешгирии шомилшавии ҷавонон ба ҳизбу ҳаракатҳои ифротагроӣ суханронӣ намуданд.
Аз ҷумла, қайд карда шуд, ки солҳои охир амалҳои террористиву экстремистӣ даҳшатовару бераҳм гардида, хатари ҷиддиро ба мустақилият ва асосҳои сохтори конститутсионии кишварҳои ҷаҳон ба вуҷуд овардаанд.
Чунин хатарҳои мудҳишу манфурро Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дарк намуда, ҳамасола зимни ироаи паёмҳояшон ба Маҷлиси Олии кишвар аз оқибатҳои номусоиду даҳшатовари терроризм ва экстремизм, ки дар ин ё он гӯшаи ҷаҳон содир мегарданд, бо нигаронӣ ёдовар мешаванд ва баҳри мубориза бо ин зуҳуроти хатарнок дидгоҳу назар ва афкору андешаҳои аз назари илмиву амалӣ асосноки хешро баён месозанд.
Ҳамзамон баҳри ҳифзу таъмини амнияти давлату ҷомеа, ҳимояи ҳуқуқу озодиҳои инсон ва шаҳрванд, таҳкими волоияти қонуну тартиботи ҳуқуқӣ, ҳифзи истиқлоли давлатӣ ба мақомоти давлатӣ, бахусус, мақомоти ҳифзи ҳуқуқи мамлакат дастуру супоришҳои мушаххас медиҳанд.
Имрӯз терроризм ва экстремизм на танҳо ба давлати алоҳида, балки ба тамоми мамлакатҳои ҷаҳон, новобаста аз дараҷаи тараққиёти онҳо таҳдиди бевосита мекунанд.
Бинобар ин, тамоми кишварҳои ҷаҳонро зарур аст, ки дар самти мубориза бо терроризм ва экстремизм, ҳимояи ҳуқуқу озодиҳои инсон ва шаҳрванд, сулҳу субот, ягонагӣ ва амният, пешгирии сокинони сайёра ва безараргардонии экстремисту террористон чораҳои қатъӣ андешида, қонунгузории кишвари хешро ҷиҳати мубориза бо ин зуҳуроти даҳшатовару нафратовар такмил диҳанд.
Инчунин, ба ҳозирин оид ба навовариҳо дар қонунгузории Федератсияи Россия роҷеъ ба муҳоҷирати меҳнатӣ, аз ҷумла будубош дар ин кишвар, тарзи гирифтани Патент, иҷозаи кор, қайди муваққатӣ маълумотҳо пешниҳод намуданд.
Дар фарҷом ба шаҳрвандони ҷумҳурӣ, ки азми сафари кишвари хориҷа доштанд, буклет: “Тундагро, экстремист ва террорист киҳоянд ва чаро онро бояд донист?” дастрас гардид.
Қайд карда шуд, ҳангоми пайдо шудани мушкилот шаҳрвандони мамлакат метавонанд ба сохторҳои қудратӣ тавассути почтаи электронӣ дар тамос бошанд: Прокуратураи
генералӣ ва сохторҳои он:https//prokuratura.tj/contacts.html;
Вазорати корҳои дохилӣ ва сохторҳои он: https://www.vkd.tj/;
Вазорати корҳои хориҷӣ:https://mfa.tj/tg/tamos/tamos-bo-mo;
Сафорату консулгариҳои Ҷумҳурии Тоҷикистон дар хориҷи кишвар: https:mfa.tj/tg/main/vazorat/namoyandagihoi-diplomatii-tojikiston-dar-khorija;
Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия:http://tajmigration.ru/sotrudniki.html;
Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон:www.migration.rj;
Маркази матбуоти Хадамоти муҳоҷират
