Кормандони шуъбаи Хадамоти муҳоҷират дар шаҳри Кӯлоб вохӯрии навбатиро бо шаҳрвандон – муҳоҷирони меҳнатӣ дар Фурудгоҳи байналмилалии шаҳри Кӯлоб, ки тавассути парвоз ба кишварҳои хориҷи кишвар сафар мекунанд, баргузор намуданд.

Дар вохӯрӣ вобаста ба бехатарии муҳоҷирати муҳоҷирони меҳнатӣ дар хориҷи кишвар, пешгирии ҳодисаҳои шомилшавии шарвандон –муҳоҷирони меҳнатӣ ба ҳизбу ҳаракатҳои ифродгаро ва донистани қонунҳои амалкунандаи Федератсияи Россия дар самти муҳоҷирати меҳнатӣ суханронӣ намуданд.

Намояндаи шуъбаи Хадамоти муҳоҷират дар шаҳри Кӯлоб Ашуров Сӯҳроб ҳозиринро бо мушкилотҳое, ки имрӯз дар раванди муҳоҷирати меҳнатӣ дучор мешаванд ва чи тавр худро аз ин омилҳо эмин нигоҳ доштан, ҳамзамон вобаста ба қонунҳои нави Федератсияи Россия дар самти мухоҷират шинос намуд.

Ҳамзамон қайд гардид, ки экстремизм ва терроризм, ифротгароӣ, миллатгароӣ, бадбинии иҷтимоӣ зуҳуроти номатлубест, ки боиси ҳалокати одамони бегуноҳ, халалдор намудани сохти амнияти ҷамъиятӣ ва дигар амалҳои нангин мегардад.

Такид гардид кӣ пеш аз ҳама худро аз таъсири чунин гурӯҳҳо канора гирифтан зарур аст, зеро гурӯҳу созмонҳои экстремистию террористӣ омодаанд, ки ҳар нафари ҷамъияти солими имрӯзаро тариқи давъатҳои таблиғотӣ истифода аз телефону паёмакҳои телефонӣ, саҳифаҳои иҷтимоии интернетӣ, шабакаҳои интернетӣ, однокласник, фейсбук ва дигар сомонаҳо бо ташвиқоту ваъдаҳои бардуруғ ҷалб намуда, ба сафҳои худ шомил менамоянд.

Аз ин хотир дар мавриди дучор омадан ба чунин ҳолатҳо эҳтиёткориро аз даст надода, ба ваъдаҳои бардуруғи шахсони шубҳанок фирефта нашуда, кӯшиш кунед, ки мушкилоти худро на ба танҳои, балки ба намояндаҳои Сафоратхонаю Консулгариҳои Ҷумҳурии Тоҷикистон ва намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон диаспортҳо ва ё мақомотҳои ҳифзи ҳуқуқи кишвар муроҷиат намуда, ҳал намоед.

Ҳамчунин бояд ҳар як шаҳрванде, ки ба муҳоҷират меравад пеш аз сафар ҳуҷатҳои шахсии худро пурра намояд, хулосаю варақаҳои тиббӣ доғи судӣ надоштанро бо худ гирифта, сипас азми сафар намояд .
Ба саҳми муҳоҷирони меҳнати расонида шуд, ки ҳоло тибқи қонунҳои амалкунандаи Федератсияи Россия шаҳрвандони хориҷие, ки ба сини 18-солагӣ расидаанд метавонанд фаъолияти меҳнатии худро дар назди шахсони воқеъӣ, шахсони ҳуқуқӣ ва соҳибкорони инфиродӣ анҷом диҳанд.

Тибқи муқарарот барои гирифтани Патент муддати 30-рӯзи тақвими аз рӯзи воридшавӣ ба Федератсияи Россия шумо шахсан ё тавассути субъекти ваколатдори давлатӣ ҳуҷатҳои зарур аз қабили ариза оиди гирифтани Патент, корти муҳоҷират бо нишон додани кор ҳамчун мақсади сафар ба Федератсияи Россия ва ҳуҷҷатҳои тасдиқкунандаи шахсиятро, ки аз ҷониби сохторҳои Федератсияи Россия эътироф шудаанд, ба ВКД ФР дар самти муҳоҷират пешниҳод карданатон ҳатмӣ мебошад .

Аз шаҳрвандон даъват ба амал оварда шуд, ки дар хориҷи кишвар эҳтиёткорию зиракиро аз даст надода дар корҳои бунёдкорию созандагӣ, амният ва пойдори истиқлолияти ватани азизамон саҳмгузор бошанд.

Шуъбаи Хадамоти муҳоҷират дар шаҳри Кӯлоб