Вохӯрии навбатӣ, тибқи нақшаи тасдиқгардидаи Мақомоти иҷроияи ҳокимияти давлатии шаҳри Исфара дар Ҷамоати деҳоти Чилгазӣ бо иштироки муовини раиси шаҳри Исфара – Бобоиён М., сардори шуъбаи Вазорати корҳои дохилии 1-и шаҳри Исфара Исозода Н., сардори шуъбаи Хадамоти муҳоҷират дар шаҳри Исфара Ахмедов М., раиси кумитаи ҲХДТ-и шаҳр бо фаъолону сокинони ҷамоат, раисони маҳаллаҳо, имомхатибон ва аъзои оилаҳои муҳоҷирони меҳнатӣ бо иштироки зиёда аз 250 нафар шаҳрвандон, доир гашт.
Дар вохурӣ ҳар яке оид ба мавзӯъҳои гунонгун суханронӣ намуданд.
Аз тарафи сардори шуъба Ахмедов М., оид ба рафти иҷрои Қонунҳои Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” ва “Дар бораи танзими анъана ва ҷашну маросим дар Ҷумҳурии Тоҷикистон”, вобаста ба масъалаҳои бо ҷойи кор таъмин намудани муҳоҷирони манъгашта дар ширкатҳои сохтмонии ҶСК “НБО Роғун”, муҳоҷирати бехатар ва муқовимат ба савдои одамон, оид ба вазъи муҳоҷирони шаҳри Исфара, ки дар Федератсияи Россия фаъолияти меҳнатӣ доранд, инчунин, дар бораи пешгирии шомилшавии ҷавонон ба ҳизбу ҳаракатҳои номатлуб ва мубориза алайҳи терроризм ва экстремизм, хусусан дар муҳоҷират, суханронӣ намуд.
Дар фарҷом ба суолҳои сершумори иштирокдорон посухҳои мушаххас дода шуд.
Раёсати Хадамоти муҳоҷират дар вилояти Суғд
