Бахши Хадамоти муҳоҷират дар ноҳияи Спитамен якҷоя бо МИМХД ноҳия, КИ ХҲДТ ва шуъбаи Агентии меҳнат ва шуғли аҳолии ноҳия дар кӯчаҳои Рӯдакӣ, Ваҳдат ва Қодироваи Ҷамоати деҳоти Куруш вобаста ба соли 2024 эълон гардидани “Соли маърифати хуқуқӣ” вохӯрии сайёр бо сокинон баргузор намуданд.
Дар чорабинии мазкур асосан вобаста ба иҷрои даструру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки зимни ироаи Паёмашон ба Маҷлиси Олии кишвар ва санаи 9 марти соли 2024 маҷлис бо аҳли ҷомеа ва ходимони динӣ кишвар пайваста дар байни аҳолӣ ва сокинон оид ба пешгирӣ ва гаравидани ҷавонон ба ҳар гуна ҳизбу ҳаракатҳои иртиҷоӣ, аз ҷумла терроризму экстремизм ва таълимоти ғайриқонунии динӣ гузаронида шуд.
Дар вохӯрии сайёр оид ба пешгири содиршавии ҳодисаҳои номатлуб аз қабили шомилшавии ҷавонон ба ҳизбу ҳаракатҳои террористиву экстремистӣ, ҷинояткорӣ аз ҷониби ҷавонону муҳоҷирон ва баланд бардоштани тарбияи ватандӯстии ҷавонон, маърифати сиёсию-ҳуқуқӣ ва фарҳангии онҳо ва ҳамзамон оид ба муҳоҷирати бехатар, қонунгузориҳои нави Федераттсияи Россия дар самти муҳоҷират, тарзи дуруст истифода бурдани интернет ва шабакаҳои иҷтимоӣ, суханронӣ карда шуд.
Инчунин, ба сокинони Ҷамоати деҳоти Куруш оид ба тартиби муҳоҷирати дохилӣ ва (ихтиёрии) аҳолӣ аз ноҳияҳои аҳолиашон зиёд ва камзамин ба ноҳияҳои серзамин маълумотҳои муфассал дода шуд.
Ҳамзамон бо ибтикори бахши Хадамоти муҳоҷират дар ноҳияи Ҷаббор Расулов чунин як вохӯрии судманд бо иштироки муҳоҷирони меҳнатӣ ва аъзои оилаи онҳо ташкил ва баргузор карда шуд.
Раёсати Хадамоти муҳоҷират дар вилояти Суғд
