Тибқи нақшаи муштараки Мақомоти иҷроияи ҳокимияти давлатии ноҳияи Темурмалик ва Кумитаи иҷроияи Ҳизби Халқии Демократии Тоҷикистон дар ноҳия вохӯрии саривақтӣ дар маҳаллаи Наистони ҷамоати деҳоти Ҳусайнобод баргузор гардид.

Дар вохӯрии мазкур муовини раиси ноҳия Аслиддин А., раиси КИ ҲХДТ дар ноҳия Раҷабзода М., мудири бахши ҷавонон ва варзиш Нимзода М., мудири бахши Хадамоти муҳоҷират Сафарзода Б., мудири бахши дин, танзими ҷашну маросим Худойназаров М., сардори шуъбаи Агентии меҳнат ва шуғли аҳолӣ Акбарзода М., иштирок ва суханронӣ намуданд.

Зимни вохӯрӣ баромадкунандагон оид ба моҳияти баргузории вохӯрӣ, Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии ҷумҳурӣ” ва ҷараёни татбиқи Қонунҳои Ҷумҳурии Тоҷикистон “Дар бораи танзими ҷашну маросим дар Ҷумҳурии Тоҷикистон” ва “Дар бораи масъулият барои таълиму тарбияи кӯдак”, муҳоҷирати шаҳрвандон ба хориҷи кишвар, қоидаҳои ва қонунҳои нави муҳоҷират, моҳияти терроризму эктсремизм, пешгирии аз амалҳои коррупсионӣ бахусус хусусияти динидошта, ҳадафҳои ғаразноки ҳизбу ҳаракатҳои дар кишвар мамнуъ, пешгирии шомилшавии ҷавонон, бахусус муҳоҷирон ва ҷавонони дар хориҷ таҳсилдошта ба гурӯҳҳои ғайриқонунӣ, макру найранг ва роҳҳои ҷалби ҷавонон ба ҳизбу ҳаракатҳои иртиҷоӣ ва террористиву экстремистӣ, эҳсоси масъулият дар раванди ҳифзи амнияти кишвар, шуғли пурмаҳсул, дуруст танзим намудани аҳолӣ ба раванди муҳоҷират ба хориҷ, шомил нашудан ба гурӯҳҳои экстремистию террористӣ, ҷалби ҷавонон ба хизмати ҳарбӣ, тоза кардани имону эътиқод аз хурофот ва таассуб, соҳибкасб гардидани аҳолии бешуғл, аз ҷумла занону бонувон ва дигар масъалаҳои ҷорӣ гуфта гузаштанд.

Дар охир ба саволҳои иштирокчиёни вохӯрӣ аз ҷониби масъулин посухҳои мушаххас дода шуд.Вохӯрӣ дар фазои якдигарфаҳмӣ ва ҳусни тафовут доир гардид.

Раёсати Хадамоти муҳоҷират дар вилояти Хатлон