Дар асоси нақшаи тасдиқгардидаи Раёсати Хадамоти муҳоҷират дар вилояти Суғд ҷиҳати гузаронидани корҳои иттилоотӣ – маърифатӣ бахши Хадамоти муҳоҷират дар ноҳияи Ҷаббор Расулов мувофиқи ҷадвали баргузории корҳои иттилоотӣ-фаҳмондадиҳӣ бо сокинони ноҳия доир ба муҳтавои Паёми навбатии Пешвои миллат Президенти Ҷумҳурии Тоҷикистон муҳтарам Эмомалӣ Раҳмон, ки санаи 28-уми декабри соли ҷорӣ баргузор шуда буд, ”Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025”, пешгирӣ шомилшавии ҷавонон, хусусан муҳоҷирони меҳнатӣ ба ҳизбу ҳаракатҳои ифротӣ, ҳолатҳои коррупсионӣ, баланд бардоштани ҳисси худшиносию худогоҳӣ, ҷалби ҷавонон ба ватандӯстию хештаншиносӣ, ба кор ҷалб намудани муҳоҷирони меҳнатие, ки воридшавиашон ба Федератсияи Россия манъ шудааст, вохӯрии саривақтӣ гузаронида шуданд.
Аз руи масъалаҳои болозикршуда иштирокдорон фикру ақидаҳои худро баён намуданд. Дар рафти суханронӣ кормандони бахши Хадамоти муҳоҷират дар ноҳияи Ҷаббор Расулов оид ба масъалаҳои мубрами рӯз, яъне терроризм ва экстремизм дар замони мо, ки пур аз таззод, мушкилот, ихтилофу зиддиятҳост, доир ба афзудан ва густариши экстремизм, терроризм ва дигар зуҳуроту падидаҳои номатлубу хатарафзо зиёд ҳарф мезананд ва менависанд.
Маънои аслии “экстремизм” чист ва он чӣ гуна падида аст? Экстремизм – (аз калимаи франсузии “ехtrеmismе” ва лотинии “eхtrеmus”) гирифта шуда, маънои аслиаш ифротгароӣ, тундравӣ, фикру андешаҳо ва амалҳои тундравона, аз ҳад гузаштан, аз андоза гузаштан аст.
Экстремист шахсест, ки дар фаъолияти худ ҷонибдори амалҳои якравию тундравӣ аст. Ин амалу зуҳурот метавонад, дар тамоми соҳаи фаъолияти инсон – дар дин, сиёсат, идеология, илм ва ҳатто дар варзиш низ ба миён ояд.
Бо ҳамин чорабинӣ ба ҷамъбаст гардида қайл гардид, ки чунин чорабиниҳо дар дигар ҷамоат ва маҳаллаҳои ноҳия дар нақша аст.
Раёсати Хадамоти муҳоҷират дар вилояти Суғд
