Бо ибтикори бахши Хадамоти муҳоҷират дар ноҳияи Айнӣ якҷоя бо шуъбаи Агентии меҳнат ва шуғли аҳолии ноҳия вохӯрии судманд бо муҳоҷирони ба ватан бозгашта ва аъзои оилаи онҳо баргузор гардид.

Дар рафти суҳбат ба шаҳрвандон доир ба тағйироту иловаҳо ба қонунгузории Федератсияи Россия дар самти муҳоҷирати меҳнатӣ, будубоши шаҳрвандони Ҷумҳури Тоҷикистон дар давлати номбурда, омодагии пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди Сертификат оид ба донистани забони русӣ, таъриху тамаддун ва асосҳои қонунгузории ин кишвар, гирифтани Патент фаҳмонида шуд.

Ҳамзамон, ба самъи ҳозирин аз ҷониби мудири бахш Ғайбуллоев Б.,  расонида шуд, ки имрӯзҳо дар вазъияти ҳассоси ҷомеаи ҷаҳонӣ ҳар як нафарро мебояд, ки зиракии сиёсиро аз даст надода, ҳушёриро ихтиёр намояд. Имрӯзҳо, ки аз ҳар оила қариб дар муҳоҷирати меҳнати қарор доранд хушёр бошанд, дар ҷангҳое ки дар қаламрави кишварҳои хориҷ, аз ҷумла Украина гузашта истодааст аз сафарбаршавӣ худдорӣ намоянд. Набояд фаромуш кунанд, ки ҳар нафаре, ки аз ҳарду ҷониб ба хотири манфиати шахсӣ дар ин ҷангҳо иштирок менамоянд ба ҷавобгарии ҷиноӣ кашида мешаванд.

Мо халқи тоҷик имрӯз бояд шукрона кунем, шукронаи тинҷӣ, Истиқлоли комил, Ваҳдати миллӣ ва Шукронаи Пешвои муаззаму маҳбуби  миллат кунем, ки дар ватани мо сулҳу субот пойдор аст. Ҳастанд бадхоҳони миллат, ки аз берун луқма партофта мехоҳанд ба сулҳу оромии кишварамон халал эҷод намоянд, вале онҳо муваффақ нахоҳанд шуд. Насли ҷавону қавииродаи тоҷик имрӯзҳо сиёҳро аз сафед ва хубро аз бад фарқ мекунанд ва он бадтинатони хоини Ватан наметавонанд онҳоро гумроҳ бисозанд. 

Зикр бояд намуд, ки ҳамаи мо бояд пайравӣ ба Пешвои муаззаму маҳбуби миллат намуда дар рушду ободии ҳар як гӯшаи диёр саҳмгузор бошем, аз сиёсати пешгирифтаи имрӯза пуштибон бошем ва ба ҳеҷ ваҷҳ нагузорем ба якпорчагии кишвари маҳбубамон зиёне расад.

Раёсати Хадамоти муҳоҷират дар вилояти Суғд