30 апрели соли равон бо ташаббуси Раёсати Хадамоти муҳоҷират дар шаҳри Душанбе дар Муассисаи давлатии таълимии Колеҷи омӯзгорӣ ба номи Хосият Махсумоваи ДОТ ба номи С. Айнӣ дар шаҳри Душанбе вохӯрии судманд дар самти пешгирии шомилшавии ҷавонон ба ҳизбу ҳаракатҳои террористӣ-экстремистӣ ва таълимоти ғайриқонунии динӣ, ҳимояи марзу буми кишвар, эҳтиром гузоштан ба муқаддасоти миллӣ ва ҳифзи манфиатҳои миллӣ, ҳифзи дастоварҳои истиқлолият ва ваҳдати миллӣ, интернет ва истифодаи он, пешгирии хурофотпарстӣ ва бегонапарастӣ, баданд бардоштани зиракии сиёсӣ ва тарбияи ватандӯстии шаҳрвандон, таҳти унвони “Мо – ҷавонон бар зидди падидаҳои номатлуб мубориза мебарем” бо донишҷӯёни Коллеҷ ташкил ва баргузор гардид.
Вохӯрии мазкур бо иштироки муовини сардори Раёсати кор бо ҷавонон ва варзиш дар шаҳри Душанбе, Раёсати кор бо занон дар ноҳияи Шоҳмансур, намояндагони Раёсати Хадамоти муҳоҷират дар шаҳри Душанбе ва омӯзгорону донишҷӯёни Коллеҷи мазкур баргузор гардид.
Баромадкунандагон таъкид намуданд, ки самтҳои афзалиятноки сиёсати давлатии ҷавонон, таваҷҷуҳ ва дастгириҳои Ҳукумати мамлакат ба ҷавонон, пешгирии ҷавонон аз шомилшавӣ ба ҳизбу ҳаракатҳои террористӣ, ҷинояту ҷинояткорӣ, нашъамандӣ, бемориҳои сироятӣ, хурофотпарастӣ, пошхӯрии оилаҳои ҷавон, худкушиву худсӯзӣ, истифодаи дурусти шабакаҳои интернетӣ, авзои сиёсии ҷомеаи ҷаҳон ва хатару таҳдидҳо, омӯзиши илмҳои муосир ва технологияи замонавӣ, иштирок дар озмунҳои ҷумҳуриявӣ, касбомӯзӣ ибрози андеша намуданд.
Дар ин раванд ҷавонони мо бояд зиракии сиёсиро дар чунин як шароити хело ҳасос аз даст надода, ҳамеша дар атрофи сиёсати созандаи Асосгузори сулҳу ваҳдати миллӣ-Пешвои миллат, муҳтарам Эмомалӣ Раҳмон муттаҳид шаванд ва дар паи ободии Ватан ва аз худ кардани донишу ҳунар бошанд.
Раёсати Хадамоти муҳоҷират дар шаҳри Душанбе
