Бо ибтикори бахши Хадамоти муҳоҷират дар ноҳияи Кӯҳистони Мастчоҳ  дар якҷоягӣ бо роҳбари “Маркази ташаккули тарзи ҳаёти солим” Бобоев Ш., ва роҳбари “Маркази назорати давлатӣ санитарию эпидемологи”-и ноҳия Латифов А., дар деҳаи Роғи Ҷамоати деҳоти Лангар, бо сокинон ва  муҳоҷирони меҳнатии ба ватан бозгашта оиди қонунигардонии будубоши шаҳрвандон дар  қаламрави Федератсияи Россия, пешгирӣ аз шомилшавии ҷавонон ба ҳар гуна ҳазбу ҳаракатҳои террористиву экстремистӣ, тарзи дуруст истифода бурдани шабакаҳои иҷтимоӣ, инчунин бемориҳои ВНМО, СПИД, Гепатит ва Сил вохӯрии судманд, пурсиш ва посухҳои ба маврид сурат гирифт.

Зимни вохӯрӣ мудири бахши Хадамоти муҳоҷират дар ноҳия, вобаста ба тағйиротҳо дар қонунгузории кишвари иқомат, риояи меъёрҳои қонунгузорӣ зимни фаолияти меҳнатӣ, фаолият дар заминаи шартномаи меҳнатӣ, риояи талаботҳои бехатарӣ дар истеҳсолот, огоҳонӣ оид ба гурӯҳҳои хатарафзо, террористиву экстремистӣ, ифротгароии динӣ ва нигоҳдории беҳдошти саломатӣ ба шаҳрвандон маълумотҳои муфид дод.

Ёдрас гардид, ки дар талаботҳои қонунгузории кишвари иқомат тағийротҳои зиёд дар самти муҳоҷирати меҳнатӣ ворид гардида, шаҳрвандонро зарур аст, ки меъёрҳои муайяншударо риоя намуда, баъди ба даст овардани иҷозатномаи фаъолияти меҳнатӣ бо корфармо шартномаи меҳнатӣ ба имзо расонида, дар мақомоти салоҳиятдор оид ба бастани шартномаи меҳнатӣ огоҳинома манзур намоянд.

Дар ин замина аз сокинони ноҳия даъват ба амал оварда шуд, ки зимни фаъолияти меҳнатӣ меъёрҳои бехатарӣ дар истеҳсолотро риоя намуда, бехатарии саломатии худ ва дигар ҳамватанонро таъмин намоянд.

Ҳамзамон, ба иттилои шаҳрвандон вобаста ба хатару таҳдидҳои замони муосир, гаравиши ҷавонон ба гурӯҳҳои террористиву эсктремистӣ, ифротгароии динӣ, шомилшавӣ ба гурӯҳҳои даҳшатафкан ва хатару омилҳои гурӯҳҳои мазкур маълумот манзур карда шуда, даъват ба амал оварда шуд, аз ин гуна гурӯҳҳо канораҷӯӣ намоянд. Ҳаёти худро қурбонӣ манфиати дигарон накунанд.

Инчунин, ба муҳоҷирони меҳнатӣ оид ба бемориҳои сироятӣ, ки тавассути омилҳои гуногун ба шаҳрвандон мегузаранд, корҳои фаҳмондадиҳӣ гузаронида шуда, даъват ба амал оварда шуд, ки вазъи беҳдошти саломатии худро хуб нигоҳ доранд.  Дар ин мавзуъ, роҳбари “Маркази ташаккули тарзи ҳаёти солим” дар ноҳия оиди ВНМО маълумот дода хотиррасон намуд, ки он ба ҳуҷайраҳои гуногуни бадани инсон ва дар ҷои аввал-ҳуҷайраҳои системаи иммунӣ таъсири худро мерасонад.

Дар баробари ин таъкид гардид, ки беморон бояд дар хотир дошта бошанд, ки табибон оид ба ВНМО бештар медонанд ва онҳо метавонанд ба беморон дар ин роҳ якҷоя кумак расонанд. Бо табибон  ҳамкорӣ кунанд ва тавсияҳои онҳоро риоя намоянд.

Раёсати Хадамоти муҳоҷират дар вилояти Суғд