Бо ташаббуси шуъбаи Хадамоти муҳоҷират дар шаҳри Исфара вохӯрии судманд бо омӯзгорон ва донишҷӯёни Муассисаи давлатии таълимӣ “Коллеҷи тиббии шаҳри Исфара” баргузор гардид.
Дар рафти вохӯрӣ сардори шуъбаи Хадамоти муҳоҷират дар шаҳри Исфара Ахмедов М., пеш аз ҳама, дар амал татбиқ намудани дастуру супоришҳои Пешвои муаззами миллат муҳтарам Эмомалӣ Раҳмон дар доираи эълон гардидани «Соли маърифати ҳуқуқӣ» ва дар ин замина таҳкими ҳувияти миллӣ, зиракии сиёсӣ, пешгирии падидаҳои номатлубу халалдоркунандаи суботу оромӣ ва тарбияи ҳуқуқии шаҳрвандон ба шумор меравад.
Мавсуф, ҳамзамон, иброз дошт, ки вазъияти ҷаҳони муосир ҳар яки мо – сокинони кишварро водор месозад, то ин ки барои таъмини суботу оромӣ, ҳаёти осоишта ва ояндаи давлатамон ҳушёрии сиёсиро аз даст надиҳем ва барои пешрафту шукуфоии он саҳми арзишманди худро гузорем.
Ҳамзамон қайд гардид, баланд бардоштани маърифати ҳуқуқӣ ва ҳисси миллӣ, худшиносию ватанпарастии наврасону ҷавонон, истифодаи дурусти телефонҳои мобилӣ ва пешгири аз шомилшавии ҷавонон ба ҳизбу ҳаракатҳои ифротӣ, аз ҷумла муқовимат ба экстремизм ва терроризм, майзадагӣ, нашъамандӣ, даъвати ҷавонон ба сафи Қувваҳои Мусаллаҳи кишвар, эҳтиром ба арзишҳо ва сару либоси миллӣ, масъулияти падару модар, таъмини фазои одобу ахлоқи ҳамида ва дигар мавзӯҳои доғи рӯзро бо омӯзгорон ва донишҷӯён баррасӣ намуд.
Таъкид гардид, ки имрӯз таваҷҷуҳ ва дастгирии Ҳукумати Ҷумҳурии Тоҷикистон дар самти татбиқи босамари сиёсати давлатии ҷавонон муассир буда, ҷавонон бояд ҳушёру зирак бошанд ва ба омӯзиши илму ҳунар диққати ҷиддӣ диҳанд.
Дар охир ба суолҳои сершумори иштирокдорон посухҳои мушаххас дода шуд.
Раёсати Хадамоти муҳоҷират дар вилояти Суғд
