Дар доираи эълон гардидани соли 2024 – ҳамчун «Соли маърифати ҳуқуқӣ» ва бо мақсади пешгирии ҷинояткорӣ, тарбияи ҷавонон дар рӯҳияи ватандӯстӣ, иштирок дар корҳои ободонию созандагӣ ҳайати Ситоди кории Мақомоти иҷроияи ҳокимияти давлатии ноҳияи Рӯдакӣ дар ҳамбастагӣ бо бахшҳои Хадамоти муҳоҷират, дин танзими анъана ва ҷашну маросим ва Раёсати Агентии меҳнат ва шуғли аҳолӣ бо аҳли ҷомеа дар тамоми ҷамоатҳои шаҳраку деҳоти ноҳия вохӯрии мақсаднок доир намуданд.

Дар ҷараёни вохӯрӣ баромадкунандагон вобаста ба пешгирии қонуншиканӣ аз ҷониби наврасону ҷавонон, гаравидани онҳо ба ҳар гуна ҳизбу ҳаракатҳои ғайриқонунӣ ва риояи ҳатмии қонунҳои Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон», «Дар бораи масъулияти падару модар дар таълиму тарбияи фарзанд», «Дар бораи озодии виҷдон ва иттиҳодияҳои динӣ» таъкид намуданд.

Ҳамчунин дар ин вохӯрӣ оид ба масъалаҳои роҳу воситаҳои муосири ҷалби ҷавонон ба омӯзиши илму маърифат, машғул шудан ба варзиш, баланд бардоштани ҳисси ватандӯстию ватанпарастӣ ва ифтихори миллӣ таклифу пешниҳодҳои судманд иброз карда шуд.

Ҳамзамон дар рафти вохӯрӣ ба иштирокдорон доир ба риояи санадҳои меъёрҳою ҳуқуқӣ дар соҳаи танзим, даст назадан ба исрофкорӣ ва сарфи барзиёд дар ҳоҷизиёрату ҳоҷибошиву ҳоҷиталбон ва савоби ҳаҷи умра, пешгирии дигар омилҳои номатлуби иҷтимоӣ, мавқеи занону ҷавонон дар ҷомеа, роҳҳои пешгирии бемориҳои сироятӣ, вусъати корҳои ободониву созандагӣ ба муносибати ҷашни 35-солагии Истиқлоли давлатӣ ва дигар масъалаҳои мубрами рӯзро фаҳмонида шуд.

Бахши Хадамоти муҳоҷират дар ноҳияи Рӯдакӣ