Бо ташаббуси МД “Марказҳои машваратӣ ва омодагии пеш аз сафари муҳоҷирони меҳнатӣ” дар шаҳри Бохтар якҷоя бо МД “Агентии бокортаъмикунӣ ба хориҷи кишвар” вохӯрии судманд бо сокинони шаҳр, аз ҷумла муҳоҷирони ба ватан бозгашта баргузор гардид.

Дар чорабинӣ баромадкунандагон доир ба баланд бардоштани маърифати ҳуқуқии шаҳрвандон – муҳоҷирони меҳнатӣ, пешгирӣ аз шомилшавии ҷавонон ба ҳизбу ҳаракатҳои ифротӣ, ҳифзи арзишҳои миллию фарҳангӣ, зуроварӣ дар оила, савдои одамон ва тарбияи наврасон дар руҳияи меҳанпарастӣ ва дигар масъалаҳои мубрами рӯз суханронӣ намуданд.

Аз ҷумла, қайд намуд, ки таҳти сиёсати хирадмандона ва бунёдкоронаи Пешвои миллат муҳтарам Эмомалӣ Раҳмон Ҷумҳурии Тоҷикистон торафт зебову шукуфон гашта ба сокинонаш шароити хуби кору фаъолият ва зиндагии осоишта фароҳам оварда шуд. Зикр шуд, ки сокинони пойтахт, аз ҷумла ҷавононро месазад дар партави сиёсати Сарвари давлат муҳтарам Эмомалӣ Раҳмон иқдомоти созандаро пеша намуда, ба ҳар гуна фиребу найранг ва ҳизбу ҳаракатҳои ифротгарои рӯй наоваранд. Ҳушёрии сиёсиро аз даст надиҳанд ва барои ватану сарзаминамон хизмат намоянд.

Ҳамзамон иброз гардид, ки имрӯзҳо дар дунё ба миқдори зиёд гурӯҳҳои ғайриқонунии террористӣ ташкил гардидааст, ки онҳо фаъолияти хешро паҳн намуда истодаанд ва мақсади асосии онҳо ин ноором намудани вазъ бо истифода аз ғояҳои экстремистӣ ва ҷалби бештари пайравон дар сартосари ҷаҳон мебошад. Аз ин рӯ, мо бояд ҳушёриву зиракии сиёсиро аз даст надода, фирефтаи гумроҳи чунин ниятҳои нопоки ҳизбу ҳаракатҳои тундрав нагардида, ҷавононро ҳушдор созем, то ба онҳо шомил нагарданд.                    

Дар рафти вохӯрӣ ба ҷамъомадагон гуфта шуд, ки МД “Марказҳои машваратӣ ва омодагии пеш аз сафари муҳоҷирони меҳнатӣ” омодааст, як гурӯҳ шаҳрвандони мамлакатро, ки соҳибкасбу забондон мебошанд, бо ҷойи кор берун аз ҷумҳурӣ, аз ҷумла дар ширкатҳои Федератсияи Россия ва дигар давлатҳо таъмин намояд. Шахсоне, ки ба ин Марказ муроҷиат мекунанд, ҳамаи ҳуҷҷатгузориҳо ройгон сурат мегирад.

Ҳамзамон, ба ҳозирин рӯйхати ҷойҳои холии корӣ дар ширкатҳои сохтмонии НБО “Роғун” бо номгӯи пурраи ихтисосҳо, шароити корӣ, меъёри музди меҳнат, талаботи корфармо пешниҳод карда шуд.

Дар хотимаи суҳбат ба ҳар як сокини шаҳри Бохтар варақаи иттилоотии Хадамоти муҳоҷират супорида шуд.Чунин вохӯриҳои судманд бо сокинони вилоят мунтазам баргузор хоҳад шуд.

Раёсати Хадамоти муҳоҷират дар вилояти Хатлон