Бахши Хадамоти муҳоҷират дар шаҳри Бустон дар якҷоягӣ бо намояндагони МИҲД – и шаҳр, Агентии меҳнат ва шуғли аҳолӣ, раисони маҳаллаҳо ва оилаҳои муҳоҷирони меҳнатӣ вохӯрии судманд баргузор намуд.
Дар назди ҳозирин мудири бахши Хадамоти муҳоҷират дар шаҳри Бустон Каримов Ҷ., баромад намуда, оид ба муҳтавои Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аз 28 декабри соли 2023 ироа гардида, доир ба муҳтавои Қонуни Ҷумҳурии Тоҷикистон “Дар бораи тарбияи ватандӯстии шаҳрвандон”, қарори Ҳукумати Ҷумҳурии Тоҷикистон “Дар бораи маърифати ҳуқуқи шаҳрвандон”, масъалаҳои пешгирии омилҳои номатлуби ифротгароӣ, терроризму экстремизм, тақлиди фарҳанги бегона, худкӯшӣ, хариду фурӯши одамон, муҳоҷирати меҳнатӣ, баланд бардоштани ҳисси ватандӯстӣ, ташаккули худшиносиву зиракии сиёсӣ, арҷгузорӣ ба муқаддасоти давлат ва хизмат дар сафи Қувваҳои мусаллаҳи Ҷумҳурии Тоҷикистон, ҳифзи арзишҳои фарҳанги миллӣ, нашъамандию, нашъаҷалобӣ, тарғиби тарзи ҳаёти солим, пешгирии ҷудошавии оилаҳои ҷавон, чораҳои зиддибуҳрониву муқовимат ба омилҳои коррупсионӣ, ташвиқи китобхониву китобдӯстӣ ва дар амал татбиқ намудани қонунҳои Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон», «Дар бораи масъулияти падару модар дар таълиму тарбияи фарзанд», «Дар бораи озодии виҷдон ва иттиҳодияҳои динӣ» ва саҳмгузорӣ дар ободонию созандагӣ Ватан суханронӣ намуд.
Чунин вохӯриҳои судманд дар дигар маҳаллаҳои шаҳри Бустон бо сокинон, аз ҷумла муҳоҷирони меҳнатӣ ва аъзои оилаи онҳо мунтазам гузаронида мешавад.
Раёсати Хадамоти муҳоҷират дар вилояти Суғд