Бахши Хадамоти муҳоҷират дар шаҳри Конибодом чиҳати пешгирии омилҳои номатлуби ҷомеа, пошхӯрии оилаҳои ҷавон, зӯроварӣ дар оила, шомилшавии ҷавонон ба ҳизбу ҳаракатҳои иртиҷоӣ, инчунин дар мавриди эҳёи ҳунарҳои мардумӣ, пос доштани фарҳангии миллӣ, омода намудани ҷавондухтарон ба ҳаёти мустаққилона ва омӯзонидани онҳо бо ҳунарҳои мардумӣ, оид ба тағйироту илова дар Қонунҳои Ҷумҳурии Тоҷикистон “Масъулият барои таълиму тарбияи кӯдак” ва “Дар бораи танзими ҷашну маросим дар Ҷумҳурии Тоҷикистон”, сафарбарии ҷавонон ба сафи Қувваҳои Мусаллаҳи Ҷумҳурии Тоҷикистон, ҷудошавии оилаҳои ҷавонон, ҷиноятсодиркунӣ байни ҷавонон, муқовимат ба савдои одамон, тағйироту илова дар қонунгузории Федератсияи Россия дар самти муҳоҷират, омодагии пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди Сертификат оид ба донистани забони русӣ, таъриху тамаддун ва асосҳои қонунгузории кишвари Россия, тарзи супоридани имтиҳонҳо, гирифтани корти муҳоҷирӣ ва қайди муҳоҷирӣ истодан, гирифтани патент, суҳбату вохӯрӣ бо сокинон анҷом дода шуд.
Чунин вохӯри дар маҳаллаи Бӯстон, Ҷамоати деҳоти Пӯлотони шаҳри Конибодом бо иштироки мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр – Маҳмудов Баҳодур, мудири бахши Хадамоти муҳоҷират дар шаҳр – Фарзона Толибова, мудири шуъбаи ташкилии КИ ҲХДТ – Ализода Акмал, сармутахасиси бахши танзими анъана ва ҷашну маросим – Равшанзода Меҳрубон ва сархатиби шаҳр – Аброрхонов Аббосхон иштирок ва суханронӣ намуда, ба саволҳои сокинон ҷавобҳои мушаххас доданд.
Баъдан аз тарафи мудири бахши Хадамоти муҳоҷират варақаҳои иттилоотӣ оид ба касбомӯзӣ дар МД “Маркази касбомӯзии калонсолон” дар шаҳри Конибодом, додани қарзҳои имтиёзнок ва бо кортаъминкунӣ дар хориҷи кишвар тақсим карда шуд.
Сокинон низ дар мавриди мавзуҳои баррасишуда андешаҳои хешро иброз дошта, қайд карданд, ки решаи ҳамаи ин тарбияву ахлоқи ҳамида нахуст аз оила ва рафтору падару модар об мехурад. Мо бояд пеш аз ҳама фарзандонро дар оила тарбия намоем, хубу бадро, расидан ба қадри тинҷиву ваҳдати ватанро барояшон талқин созем.
Бояд қайд кард, ки чунин як чорабинии дигар дар Ҷамоати деҳоти Пӯлотон, деҳаи Ғалча – Мулло дар бинои толори МТМУ №27 бо сокинон ва муҳоҷирони ба ватан бозгашта доир гардид.
Раёсати Хадамоти муҳоҷират дар вилояти Суғд
